تامر بشير: بلاش الزحمة في وحدات المرور.. وممكن نخلص احتياجتنا عن طريق النت.. فيديو

طالب الإعلامي تامر بشير، بضرورة عدم تزاحم المواطنين على وحدات المرور، في ظل توفير بعض الخدمات عبر المواقع الرسمية للحكومة على الإنترنت.

وقال تامر بشير، في برنامج «دوس بنزين»، الذي يذاع عبر فضائية «صدى البلد»: "فيه صورة أنا شوفتها في وحدات المرور بعد فتح المرور مباشرة، وظهر في الصورة كم الزحم الغير طبيعي".

وأضاف: "هل العدد المهول اللي في الوحدات دي الناس كلهم رخصها انتهت في شهر واحد بس وعايزة تجدد؟.. أكتر صورة كنت خايف منها كبار السن أنا خايف عليهم جدًا، فلو عندك إمكانية لسه شوية بلاش تروح، وبلاش زحمة على قد ما تقدر".

واختتم: "الكمامات اللي بتكون موجودة في المرور مهمة جدًا ومش هتقدر تدخل أي وحدة مرور من غير الكمامة، حاليًا كلنا شغالين أونلاين، فلو عندك إمكانية تخلص حاجتك أونلاين قبل ماتروح عن طريق الموقع الرسمي ده أفضل لك خصوصًا إنه دلوقتي بقى متاح كمان استلام الرخصة عن طريق البريد".