تحدث السيناريست تامر حبيب عن كواليس تقديم فيلم سهر الليالي الجزء الثاني، بعد 23 عامًا من الجزء الأول.
قال تامر حبيب عبر تصريحات تلفزيونية: «فكرة الجزء التاني بتتردد من 20 سنة وإسعاد يونس كلمتني من سنة ونص وقالتلي ماتيجي نعمل جزء تاني لقيتني بقول آه موافق».
وتابع: «وماكنش عندي أي ذرة تفكير هقول إيه في الجزء التاني وكان عندي حيرة بين حاجتين هل أعمله بعد 23 سنة بالـ8 شخصيات بقوا فين، ولا أعمله بشخصيات جديدة؟».
واستكمل تامر حبيب: «اللي فرض عليا أعمله بشخصيات جديدة إن الأغلبية العظمى من أبطال الفيلم مبقوش موجودين، هتجيب 4 ممثلين تانين فيها لخبطة».
يشار إلى أن فيلم سهر الليالي عُرض عام 2003، وشارك في بطولته عدد من النجوم، من بينهم حنان ترك وأحمد حلمي ومنى زكي وفتحي عبدالوهاب وخالد أبو النجا وشريف منير وعلا غانم وآخرين.
