تامر حبيب يكشف كواليس صدمته من تصريحات إيناس الدغيدي: صحيت لقيت الدنيا مقلوبة

كشف السيناريست تامر حبيب عن تفاصيل أول رد فعل له بعد تصريحات المخرجة إيناس الدغيدي، التي أثارت ضجة واسعة وقتها وعرّضته لموقف محرج.

تصريحات تامر حبيب

تحدث تامر حبيب عن اللحظة الأولى التي علم فيها بتصريحات الدغيدي، قائلًا: 'كنت وقتها في دبي، وراجع مصر، صحيت من النوم لقيت الدنيا مقلوبة والتصريحات منتشرة، اتخضيت جدًا، وقلت: هي قالت كده إزاي؟! ده أنا كده هتمسك في المطار'.

تامر حبيب

أوضح حبيب أنه لم يكن يعلم ما الذي حدث بالضبط، وأضاف: 'أنا عارف إنها بتحبني جدًا، لكن اتصدمت ومبقتش فاهم حاجة... يومها كان افتتاح مهرجان القاهرة السينمائي، ومرضتش أروح، من كتر ما أنا مصدوم، ضغطي عليّا وحرارتي عليّت، وبقيت أقول لنفسي: أنا ليه قاعد؟ أنا معملتش حاجة'.

أخبار السيناريست تامر حبيب

وأشار حبيب إلى أن إيناس الدغيدي حاولت مرارًا الاعتذار له بعد الضجة، لكنه تجاهل الرسائل، قائلًا: 'كانت بعتالي اعتذارات كتير، وأنا مرديتش خالص، والناس كلها كلموها، عملوا معاها الواجب وزيادة، وهي مكانتش عارفة تعمل إيه'.

وتابع: 'استضافوها بعدها في برنامج، ولما سألوها عني قالت: تامر ده حبيبي، وأنا مقصدتش خالص إنه يتفهم كده، ويا حبيبي كان مضايق جدًا'.

إيناس الدغيدي

رد ساخر من تامر حبيب على الأزمة

واختتم تامر حبيب حديثه بطرافة قائلاً: 'حتى افتتاح المهرجان مرديش ييجي، وأنا قولت: آه يا بنتي ليه كده؟! حرام عليكي، أنا قولتلك إني عيان، فقولتلها: إنتي عايزة ترضيني؟ اسكتي'.