تامر حسني: اللي ملوش مثل أعلى يشتري

تامر حسني حرص على توجيه نصيحة جديدة للجمهور، حول ضرورة أن يوجد مثل أعلى بحياة كل شخص، كي يصل للنجاح المطلوب.

تامر حسني يوجه نصيحة للجمهور

قال تامر حسني عبر حسابه الرسمي بموقع فيسبوك: 'اللي ملوش كبير يشتريله كبير مقولة جميلة بس أنا من خلال رحلتي و قد ايه في قوه جباره الانسان بيستمدها من اللي بيحبهم بكل جوارحه .. طبعاً كلامي عن النجاح العملي في العمل اللي تحبه'.

واستكمل تامر حسني حديثه، وقال: 'اللي ملوش مثل أعلى يشتريله مثل أعلى والله والله والله لما بتحب حد ناجح و تتأثر برحلته او طريقته و نجاحه فعلاً بتقدر تبقى زيه و ممكن احسن كمان'.

تصريحات تامر حسني

وأضاف: 'ممكن طبعاً تنجح من غير ما يكون عندك مثل اعلى بس تركيزك بيبقى اقوى بكتير مع مثال قدامك حي بيخليك تشوف رحلته قدامك زي دليل ينورك على خطوات انت متعرفش نتايجها بس بتعرفها من خلاله بتشوف تفكيره في التطوير و تفكيره ازاي يتخطى الازمات و تفكيره في المواكبه لكل مرحله في حياته ازاي كسر سقف نجاحه عشان انت كمان تعمل زيه معلش بحب اوصلكم اي حاجه كويسه بتعلمها في حياتي'.

واختتم كلامه قائلًا: 'اللي مالوش مثل أعلى يشتريله مثل أعلى يعني يدور و يركز مع حد يحبه و يتعلم منه و على فكره مش شرط في مجاله ممكن تحب حد في مجال تاني و تحاول تطبق مراحله في مجالك ده كان كلام من واقع تجربتي و رأيي الشخصي … ربنا يوفقكم كلكم و توصلوا لابعد من احلامكم و تبقوا انتوا كمان مثل اعلى لناس بعدكم'.