تامر حسني يرد على منتقدي فيلم تاج.. ما علاقة ياسمين عز ؟

استعان الفنان تامر حسني بالإعلامية ياسمين عز في رده على منتقدي فيلمه «تاج»، ونشر فيديو سابق لها ببرنامجها التلفزيوني تدافع عنه.

تامر حسني يرد على منتقديه

كتب تامر حسني عبر خاصية الستوري التابعة لحسابه الرسمي بموقع انستجرام: «فيلم تم بيعه بنجم شباك 1 مش تجميعة نجوم.. ودي حاجة تحسب للفيلم وبعملها كل سنة الحمدلله.. وكونه نوع جديد للسينما العربية يحسب للفيلم برضه والفيلم الحمدلله تم توزيعه النهاردة عالميًا أكيد دي حاجات بتزعل بعض ضعاف النفوس».

وتابع: «وكمان بقى بجتهد وبألف وبخرج..  زمن غريب والله بنلوم فيه على المجتهد الناجح وسايبين الكسلان المقصر.. يكفيني شرف إن الفيلم العربي صاحب أعلى إيرادات في تاريخ السينما العربية دوليًا إنتاج مصري هو فيلم من إخراج تامر حسني فيلم بحبك».

تامر حسني يرد على منتقديه

تامر حسني وياسمين عز

واستكمل: «تفتكري دي واقعها على الودن عادي؟.. لا طبعًا.. هي مؤلمة أوي بس مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين».

ووجه تامر حسني تعليقه لياسمين عز قائلة: «أحب أطمنك يا ياسمين إنه لا يصح إلا الصحيح وخلي بالك الجمهور ذكي جدًا ويمكن بسبب الحملات الساذجة دي الجمهور زاد طلبه على الفيلم لإن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة».

وأضاف الفنان قائلًا:« لو جبت أهم شركات في العالم عشان يقدموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردودة أقوى من الدعاية اللي بندفع فيها فلوس أهو بالمرة نشيل من على شركة الإنتاج باند الدعاية عشان مكلف أوي بصراحة».

واختتم: «ونسيبه على المغيوظين هما يدفعوه ربنا ما يقطعلهم عادة.. أحب أفرحك أكتر يا ياسمين فيلمي اللي جاي تصويري كمان شكرًا لدفاعك عن الحق يا أحلى ياسمين».

تامر حسني

تامر حسني