تامر حسني يرد على هجوم أحمد آدم.. «التريند جنن عقول بعض الناس»

رد الفنان تامر حسني، على هجوم الفنان أحمد آدم خلال برنامجه بني آدم شو، مؤكدًا أن الأخير كان يقدم نموذجا للتريند بشكل عام، واصفا إياه بأنه جنن عقول بعض الناس حاليا.

تامر حسني كتب عبر حسابه الشخصي على موقع تبادل الصور والفيديوهات القصيرة انستجرام: أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم، لمجرد إن الناس تعرفهم أو تتكلم عليهم.

وتابع تامر حسني: لو ليوم واحد ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه !!!!؟.

وأضاف تامر حسني: الحقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه.

تصريحات أحمد آدم وهجومه على تامر حسني

وجه الفنان أحمد آدم، هجوما على الفنان تامر حسني، مؤكدًا أن أغانيه بها إسفاف وأفلامه سيئة جدًا، وأغانيه تعبانة.

أحمد آدم، قال في تصريحات تليفزيونية: تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبل للبنات.

أحمد آدم: تامر حسني بيقدم شوية أغاني تعبانة

وأضاف أحمد آدم: تامر بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدة.

سر إطلاق تامر حسني اسم بكار على فتحي محمود نجم الدوم ؟ .. فيديو

أحمد التهامي بعد الهجوم على فيلم «تاج»: تامر حسني أخويا وحبيبي

أحمد آدم يهاجم تامر حسني: طلعلنا شعر صدره وقعد يمصمص في شفايفه