تامر حسني يطرح أحدث أغانيه «معلش» بمشاركة زاب ثروت.. فيديو

طرح الفنان تامر حسني فيديو كليب أغنيته الجديد «معلش»، والذي يتعاون فيها مع مؤدي الراب زاب ثروت، عبر قناته الرسمية على يوتيوب، بالإضافة إلى جميع المنصات الإلكترونية الموسيقية.

أغنية «معلش» يقدمها تامر حسني مع زاب ثروت، من كلمات وألحان تامر حسني، والتوزيع الموسيقي لـ معاذ.

وتقول كلمات أغنية معلش

«معلش .. استحمليني

انتي بس اللي بتديني فرصه احكي وتسمعيني

معلش .. استحمليني

عارفك لما تواجهيني مش بتضعفي وتجامليني

لا بتزهقي ولا بتملي

سمعاني وكتمالي سري

صدقك بس هو فعلاً

حقيقي اللي فاضلي

قالوا الصديق وقت الضيق

دلوقتي بقى سببه

متسألش الحبيب ليه مشيت

عشان حضر خلاص عذره

هتموت مرتين لو قلبك

رجع للي خذلوه .. آه

ميت شكراً للي وجعنا

وخان فجأه الامانه

كده كنا هنتعب اكتر

لو كان طول معانا

شكراً للي علمنا

نهاية التقدير اهانه

الغدر مجاش غير من اللي

بحكيلهم اوجاعي

فكروني بالغنم

اكمل ولا مفيش داعي

يعيش عمره خايف من الديابه

وفي النهايه ياكله الراعي

معلش .. استحمليني

ويا جمالك وانتي في حالك

ساكته بتسمعي

ولا عمرك اشتكيتي رغيي

ولا مني بتصدعي 2x

شكراً تعبتك معايا

تصبحي على خير يا مرايا

معلش .. محدش فينا بيتعلم ببلاش

اتجرح واتعلم ولا ابقى ساذج وسط الناس

ما بلاش تستنى اي حاجه من اي حد

صاحبك بجد ميسيبكش لو الوقت شد

ولا اقولك كويس انه سابك اعرف قيمة غيابك

العيار اللي ميقتلش يقويك ده احنا في وسط غابه

يمكن عشان غلابه ( آه )

معلش .. طولت عليكي في الكلام شويه

تقلت عليكي عشان عارف انتي اللي باقيه ليا

دنيا وضاقت عليا مفضلش ليا غير الاغاني والمرايه ديا ( والمرايه ديا )

افضفض ليها وتسمعني ( تسمعني )

مفيش مكان في الكون يساعني ( يساعني )

كان نفسي اقول اللي جوايا واقول لمين ده كله باعني ( كله باعني )».

تامر حسني وزاب ثروت

جدير بالذكر أن الفنان تامر حسني روج لأغنيته الجديدة مع مطرب الراب زاب ثروت، والتي تحمل اسم «معلش».

ونشر تامر حسني برومو أغنية معلش، عبر حسابه الرسمي بموقع انستجرام، معلقًا: «أغنية معلش مع صديقي الفنان المتميز زاب ثروت.. من أصدق المواضيع اللي غنتها وكلامها هيمس كل الناس، استنوا الأغنية إن شاء الله يوم 23 يناير علي جميع المنصات».

تامر حسني أغنية ‎موحشتكيش

كان قد احتل الفنان تامر حسني المركز الأول في الموسيقى الرائجة على موقع الفيديوهات الشهير يوتيوب بأغنية «موحشتكيش» من ألبوم «هرمون السعادة»، والتي حققت نجاحًا كبيرًا وتصدرت تريند جوجل منذ طرح البرومو التشويقي للفيديو كليب.