تامر حسني يكشف تفاصيل فيلمه الجديد «بحبك » : ضحك في إطار رومانسي

تحدث الفنان تامر حسني عن كواليس التحضير لفيلمه الجديد «بحبك»، مع الفنانة هنا الزاهد، والذي بدأ تصويره منذ يومين والمقرر عرضه خلال الفترة المقبلة .

تامر حسني يتحدث عن فيلم «بحبك»

وعلق تامر حسني علي الصور قائلا، «دي صور من أول يومين تصوير لفيلمنا الجديد (بحبك) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً».

وأضاف، « الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم والمستقبل الجميلة هنا الزاهد و مبسوط أني أول من اكتشفها في بداية حياتها».

وتابع، «في الفيلم دا بكتشفها تاني و بقدمها بشكل جديد عليها و عليكم و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميلة».

و استطرد «للأسف لسه مصورش علشان انزل صورة بس في أول يوم تصوير له ههريه صور ،و انتظروا بعد ايام انضمام نجمة جميلة مميزة من نجوم المستقبل اللي هيكون ليها مستقبل كبير ان شاء الله، و فرحان جداً بإنضمام الفنان الموهوب أوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه ».

تامر حسني بعد وفاة الطفل ريان : «اللهم صبر أهله»

تامر حسني يوجه الشكر لحاكم دبي بعد حصوله على بطاقة السعادة من دبي