تامر حسني يهنئ نجل المطرب محمد ثروت بعد شفاءه: الغالي ابن الغالي

حرص الفنان تامر حسني، على تهنئة نجل الفنان الكبير محمد ثروت بعد شفاءه، حيث أن المخرج والمطرب أحمد ثروت ظهر رفقة والده في حفل المملكة العربية السعودية مؤخرًا وغنى معه على المسرح.

تامر حسني يهنئ نجل المطرب محمد ثروت

كتب تامر حسني عبر موقع انستجرام: «حمد لله على سلامتك يا غالي يا ابن الغالي فرحان أوي أني شايفك ماشي على رجلك لأني كنت معاك خطوة بخطوة وشوفت معاناتك وثباتك وإيمانك بربنا اللي كافئك دلوقتي ورجعك تاني على رجلك وإن شاء الله هترجع أحسن من الأول لأنك نجحت في اختبار ربنا ليك بصبرك وبشكرك لربنا على كل عطاياه».

تامر حسني يشارك في جمعية الهلال الأحمر

كشف المطرب تامر حسني، عن مشاركته في عمل الخير مع جمعية الهلال الأحمر المصري من أجل أهالي المغرب بعد الزلزال وأهالي ليبيا بعد كارثة إعصار دانيال.

ونشر تامر حسني، الصور عبر حسابه الشخصي على موقع التواصل الإجتماعي إنستجرام، وعلق قائلا: مساء الخير عليكم شبابنا وكل أهالينا في مصر طبعاً كلنا شوفنا اللي حصل في المغرب وليبيا وأكيد كلنا في أشد حالات الحزن ونفسنا نعمل حاجة.

وتابع تامر حسني: كلامي للّي قادر .. واللي مش قادر جزاه الله كل خير لو كثف الدعاء لاهالينا وأخواتنا، مش هطول عليكم يا جماعة عندنا في مصر جمعية الهلال الاحمر المصري بجد ناس ليهم الجنة إن شاء الله.

وأضاف تامر: أنا فخور بيهم أوي وبحبهم أوي من كل قلبي، دول ناس رحيمة وهبوا حياتهم لخدمة الانسانية وكل يوم عندهم شباب جميل متطوع لخدمة الانسانية، والحقيقة إن أنا بمشيئة الله دايماً معاهم في كل أزمة بتقابل مصر أو اي شعب عربي بس اكيد انا مش كفاية.

وأختتم: أتمنى من كل مصري أنه يهتم بالجمعية العظيمة الرحيمة دي ويحاول يقدم أي دعم ولو بسيط ليهم، وأتمنى أن اللي ميعرفهمش يحاول يعرفهم كويس عشان لو عرفهم و عرف دورهم و ازاي بيخاطروا بحياتهم عشان سلامة و انقاذ البشر هيبصلهم بنظره عظيمة تانية من قلبي كل المواساة لأهالينا في المغرب وليبيا ومن أرض مصر بنقولكم كل مصر معاكم و خالص تعازينا لاسر الضحايا من اهالينا و كل الدعاء لعودة و سلامة المفقودين منهم ربنا يصبركم و يحفظكم و يحفظ أمتنا العربية.