تامر حسني يوجه رسالة لـ سارة وفيق مخرجة «تاج»: بتخرجيلي حلم مش فيلم

ياسمين حمادة 13 يونية 2023 | 06:17 مساءً

حرص الفنان تامر حسني أن يوجه رسالة شكر للمخرجة سارة وفيق مخرجة فيلم تاج، المقرر أن ينافس به ضمن موسم أفلام عيد الأضحى 2023 المقبل.

تامر حسني والمخرجة سارة وفيق

كتب تامر حسني عبر خاصية الستوري التابعة لصفحته بموقع انستجرام: «يا أستاذة سارة إنتي مخرجة عظيمة وتستحقي كل الدعم إنتي وكل فرد اشتغل في الفيلم ده وثقتي الكبيرة فيكي وفي كل أفراد العمل هي اللي خلتني مشغلش ولا عنصر أجنبي في فيلم تاج ويبقي فيلم مصري 100% بقيادة شباب مصري 100 %».

وتابع: «ده غير إنك مخرجة مختلفة وقلبك جميل وعملتيلي فيلم من أعز أفلامي (فيلم مش أنا)»، النهاردة بتخرجيلي فيلم كنت بحلم أعمله من وأنا طفل يعني بتخرجيلي حلم مش مجرد فيلم وده من ثقتي اللي ملهاش حدود فيكي، ربنا يوفقك ويكرمك إنتي وكل حد اشتغل من قلبه في الفيلم ده ويكرم كل الناس يارب».

تامر حسني والمخرجة سارة وفيق

تامر حسني ومخرجة فيلم تاج

أما المخرجة سارة وفيق فكانت قد وجهت رسالة للفنان تامر حسني، قائلة: «مبرك يا تيمو نهاية تصوير فيلم تاج.. شكرًا من كل قلبي على دعمك وثقتك فيّ.. شكرًا على تعبك ومجهودك الجبار اللي عملته في الفيلم شكرًا على دقتك ومثابرتك واجتهادك».

واستكملت: «وكل حاجه عملتها عشان فيلم تاج يطلع بالشكل اللائق بجمهورك الكبير من أول كتابتك للفيلم لحد آخر يوم تصوير.. شكرًا إنك بتحترم جمهورك وبتقدمله كل جديد أنت ميجا ستار مش من فراغ أنت أكتر واحد قابلته في حياتي بيحب شغله وبيخلصله».

واختتمت مخرجة فيلم تاج قائلة: «عشان كدة إن شاء الله ربنا هيكرمك بنجاح الفيلم ونجاح كل شغلك.. معنديش كلام يوفيك حقك والله يا تيمو وأخيرًا لازم جمهورك يعرف إنك مابتنيمناش كلنا.. ربنا يكرمك بكرمه الواسع ويفرحك وينجحك وينجحنا معاك يا أجمد سوبر هيرو يا تاج يا جامد».

تامر حسني وفيلم تاج