تامر حسني يوجه رسالة للشباب: متسمحوش للناس يستخدموا ماضيك عشان يهدوا فكرك الحالي

حرص الفنان تامر حسني على أن يكتب رسالة تشجيع وتحفيز جديدة للشباب يطلب منهم التركيز في مستقبلهم وعدم الالتفات لأحي احباطات.

تامر حسني يشجع الشباب

كتب الفنان تامر حسني عبر حسابه بموقع التواصل الاجتماعي فيسبوك: 'من خلال قرائتي ودراستي الفترة الأخيرة لبعض العلوم واهمها علم الدنيا اللي احنا فيها دي ومن خلال تجربتي الشخصية حابب اتكلم عن حاجة مهمة اوي وتخص كل واحد فيكم نفسه يتقدم، يتقدم في عصر الاحباط اللي احنا عايشين فيه ده'.

وتابع: 'لو انت غلطت في حاجه زمان، ده مش معناه انك مينفعش تبقى ضد التصرف ده دلوقتي ده مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للافضل، فمتسمحش للناس انهم يستخدموا ماضيك عشان يهدوا فكرك الحالي دلوقتي، ده تطور طبيعي للي عايز يبقى انسان كويس وقلبه سليم'.

وأضاف تامر حسني: 'بالعكس بقى لازم لما حد يفكر يضايقك بطاقة محبطة، أنا عايزك تاخد الطاقة دي تشتغل بيها وتحولها لوقود حرق يخليك تنجح وتعلى أكتر عندًا في اللي عايزين يشوفوك فاشل وتبقى عاده عندك كل ما حد يحبطك تنجح وتطور نفسك زياده لحد ما اللي بيحبطك يشوفك فوق جدًا وفارق عنه، ساعتها هيضرب نفسه بالجزمة إنه كان بيحاربك عشان هو هتبقى طاقته فضيت وفشل عشان وظف طاقته ليك وانت وظفت طاقتك وطاقته لخدمتك فبقى عندك كذه دافع للنجاح يسخنك و يحفزك'.

رسالة تامر حسني للشباب

واستكمل حديثه، وقال: 'هيجيلك هو بقى ساعتها ضعيف وندمان، اوعى تنتقم منه وافتكر ان العفو عند المقدره ثوابه كبير اوي عند ربنا فبرضه هتاخد أكبر ثوابه وبرضه بسببه وهتعلى تالت، وبكده انت بذكائك وايمانك بنفسك وتقديسك لوقتك عرفت تخلي كل اللي جالك منه أو من الناس اللي شبهه في مصلحتك انت عشان ركزت في نفسك ومشيت في حالك زي ما ربنا عايزك وحذفت الناس المحبطه من حياتك'.

واختتم كلامه وقال: 'ثق في نفسك ثق في تغييرك انت صح، اوعى تشوف نفسك قليل كمل متشوفش نفسك غير ناجح و واصل لحلمك ويارب اشوفكم كلكم ناجحين ومش ملتفتين لأي مُحبِط وموظفين طاقتكم لخدمتكم عشان طاقتكم زي البطارية لما يجيلها يوم وتخلص، تبقى خلصتها على نفسك و تطوير نفسك مع نفسك وعلاقتك مع ربنا قبل الكل'.

مي عمر تكشف حقيقة انسحابها من فيلم تامر حسني بسبب محمد رمضان

مسلسل وعود سخية الحلقة الأولى.. رقص حنان مطاوع واستعانتها بـ تامر حسني

تامر حسني يعلن عدم نشر أغاني في رمضان تقديرا للشهر الكريم

تامر حسني يوجه رسالة مؤثرة لنجل المطرب محمد ثروت بعد إصابته بمرض نادر

حمو بيكا عن صورته مع تامر حسني: شخصية ملهمة لأي شاب في جيلي