تامر حسين : «أى اغنية بتنزل لزميل ب اشيرها بكُل حُب كأنها أغنيتى»

تحدث الشاعر تامر حسين عن التعليقات السلبية التي يكتبها الجمهور للوجوه الجديدة من الفنانين .

وكتب تامر عبر حسابه الشخصي «فيس بوك»، « بلاحظ أى (مطرب جديد) أو أى حد بياخد فُرصة يجرب بيها، قبوله فى بعض التعليقات من الناس اللى عايزة تغنى مليانه غل وإحباط للصوت الجديد ويقولك صوته مش حلو أو يتمنى ان اغنيته يغنيها مطرب كبير أشهر منه وكده مفيش جيل جديد حايطلع ولا حد حياخد فرصته».

وأضاف، «صدقونى كل الصُناع نفسهم يقدموا أصوات كتيرة جديدة ومش لازم يبقى صوتك عبقرى مهم يبقى عندك شخصية فنية مُستقلة او ذوق فى المزيكا وحقيقى محتاجين أصوات كتير عندهم فكر وذوق ، وقلوبهم صافية وزى الفل صدقونى والله عن تجربة النية الصافية بترزقك من وسع وبكلمكم وانتم شاهدين أى اغنية بتنزل لزميل ب اشيرها بكُل حُب كأنها أغنيتى ونجاحى».

وتابع، «عشان من حقه يفرح ويفرح عيلته بيه وأصحابه الدعم النفسى بكلمة طيبة مهم وبيفرق ولو مش عاجبك الصوت أو العمل الفنى أكيد مش قاصدين نضايق معاليك ف خليك رحيم بالشخص اللى انت بتِجرح فيه بكلامك ونقدك الغير مدروس فى طريقة مُهذبة للنقد البناء ادوا الناس الفرصة كامله وصفوا النية واحنا فى ضهر كل الموهوبين يارب، الصناعة تقف على رجلها وشركات الإنتاج تساهم معانا فى تبنى الأصوات وأصحاب الأفكار المُختلفة ويطلع مليون موهوب فكل المجالات».

تفاصيل أزمة استبعاد قفشة أمام النجم وسر صورته مع الشاعر تامر حسين..فيديو