تامر عاشور يرد على انتقادات ظهوره مع مريضة السرطان:«اللي أخد كلامي تريقة نفوسهم ضعيفة»

أثار الفنان تامر عاشور جدلاً واسعاً، بعدما نشر صورة من إعلان لصالح مستشفى أيادي المستقبل لأورام الأطفال، والتي تجمعه بإحدى المرضى، حيث علق على الصورة قائلاً، «خدي كليها أنتي .. أنا صايم يافاطرة .. بحبك».

وتعرض «تامر» لسيل من الإنتقادات في اعتقاد منهم أنه عرضها للتنمر باعتبارها مريضة لا تصوم، وخرج تامر عن صمته، وكتب عبر حسابه الشخصي «فيس بوك»، « أنا طول حياتي ومشواري عمري ما اتريقت على حد سليم علشان اتريق على مريض حاش لله - واللي اخد كلامي تريقة على مريض نفوسهم ضعيفة وهم اللي مرضى بيفرقوا بين المريض والشخص الطبيعي».

وقال، «لو نزلت صورتي مع أي طفل 'اللي هو غير مُكلف بالصيام' وقولتله بأي طريقة 'متشربش مياه قدامي يا فاطر' أو 'خد دي يا فاطر انا صايم '، حد هيتكلم؟ مستحيل علشان طفل طبيعي

لكن المريض لا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملتنا، المرض الحقيقي هو التفرقة بين اطفالنا اللي بصحة جيدة ربنا يديهم كل الصحه واطفالنا اللي ربنا اختارهم للمرض».

وتابع، «ناس كتير قوي محسوبين على 'هامش هامش هامش المجال الفني ' عمرهم ما شافو مني حاجه وحشة غير أني مباديهمش مواعيد لاقيتلهم تعليقات كأنهم ما صدقوا لاقولي غلطة وانصحهم 'العمر بيجري حاولو تعملو حاجه لنفسكم أولى'، البنت اللي في الصوره فضلت ف حضني طول تصوير الاعلان وبحبها جدا جدا .. ومتفقين انا وهي على حاجات كتير قوي قوي هنعملها عرض أقل».

إصابة زوجة تامر عاشور بفيروس كورونا

تامر عاشور يوجه رسالة لابنته «أيام» :«أنا كنت بحبك من الأول.. وقابلتك حبيبتك تاني»