تامر عبد المنعم: فريد الديب طلب يشوفني قبل ما يموت بأسبوعين عشان يوصيني

كشف الفنان تامر عبد المنعم تفاصيل اللقاء الأخير بينه وبين حماه السابق المحامي الراحل فريد الديب، قائلًا: «أستاذ فريد رحمة الله عليه قبل وفاته بـ أسبوعين فوجئت بمكالمة منه وأنا كنت بقالي فترة مكلمتهوش».

تصريحات تامر عبد المنعم

وتابع تامر عبد المنعم في تصريحات تلفزيونية قائلًا: «كنت بعرف أخباره من بناتي وكنت عارف أن حالته الصحية صعبة، وقابلته بعدها في حفل تخرج بنتي من المرحلة الثانوية في القاهرة وكان خاسس النص وعلى كرسي بـ عجل، وقبل وفاته بـ أسبوعين فوجئت بمكالمة منه طلب يشوفني».

واستكمل الفنان تامر عبد المنعم قائلًا: «رُحت له وقعدت معاه وقعدنا نضحك أنا عرفت أن دا وداعه ليا وإنه هيتوفى، كان في منتهى الظرف وتذكر ذكريات ونهزر ونهرج مع الممرضين هو أخف دم في العالم، وقالي ممكن تيجيلي بكرا؟»، وأشار إلى أنه كان يعلم أن هذا اللقاء الأخير بينه وبين الديب.

تامر عبد المنعم وفريد الديب

وأكد على قوة العلاقة بينه وبين طليقته حنان ابنة فريد الديب، معلقًا: «عرفت أن دا وداعه ليا لأنه أوصاني بـ شيء وأنا قد الوصية، وهو من أذكى الرجال ويقدر يقيم البشر وكان بيحبني».

وتابع تامر عبد المنعم: «وزعل لما انفصلت أنا وابنته، وأنا زعلت إني انفصلت عن أم أولادي، ولكن أحيانًا الانفصال باحترام يكون أحسن للأولاد، وأنا لو حنان كانت على راسي قيراط وقت وجود والدها، فهي على راسي بعد وفاته 24 قيراط».

ووجه رسالة للشامتين في فريد الدين قائلًا: «اللي شمتوا في وفاة فريد الديب دول مش ناس، والإنسانية لما تنعدم من قلب بني آدم إنه يشمت في موت فده لا يستحق أن يكون إنسان».

تامر عبد المنعم تامر عبد المنعم

رسالة تامر عبد المنعم

واستكمل في رسالته: «الموت بتاع ربنا وبيبقى فجيعة على ناس، فكون إنك تشمت بهذه القذارة وتفتكر نفسك مُخول من ربنا سبحانه وتعالى إنك تكون وكيل له في الأرض وتقول ربنا عمل فيه، تبقى إنسان حقير ولا تستحق أن تكون إنسانًا».

وفيما يخص كواليس تقديم المحامي الراحل فريد الديب، مذكرة نقض على الحكم الصادر من محكمة جنايات المنصورة بإعدام محمد عادل قاتل نيرة أشرف، علق قائلًا: «هذا نص ما حدث والراجل بين إيدين ربنا، لما عرفت أنا كلمته وقالي هو أنت هتعمل زي الناس اللي مش فاهمة وطالعة تهاجم؟».

تامر عبد المنعم ومحمد عادل قاتل نيرة

وقال تامر عبد المنعم أيضًا: «قولتله طب أنا عايز أفهم لأن ناس كتير بتسألني وكان معايا بنتي الصغيرة وهي اللي آثارت الموضوع، فقالي أنا راجل محامي ورجُل قانون».

واستكمل عن قصة محمد عادل قاتل نيرة ودفاع فريد الديب عنه: «وما حدث أثناء النطق الحكم في الدائرة القضائية في القانون اللي حضرتك متعرفهوش غلط والقانون يُحاسب عليه لأن القاضي مينفعش يُفصح عن نواياه، وقالي أنا هقدم نقض مجاني لأني مش مستني حاجة، وأنا بدافع عن القانون وقد يتاخد بالنقض ده، قولتله طب وبعدين كده الولد هيخرج؟! قالي لأ هتتعاد المحاكمة وهياخد إعدام برضوا، وقعد يضحك».

وعلق الفنان والإعلامي تامر عبد المنعم على ظاهرة التعاطف مع محمد عادل، قائلًا: «فكرة إننا استحل دم فتاة كونها بشعرها وترتدي أزياء جيدة فقول كده إديتي الفرصة للمعاكسة ولما ترفض يقتلها دا جنون وجريمة في حق المرأة».

الممثل تامر عبد المنعم الممثل تامر عبد المنعم

تامر عبد المنعم

تامر عبد المنعم

تامر عبد المنعم: مذيعة الصوت الشتوي والصيفي أخطر من مسلسل أزمة منتصف العمر

تامر عبد المنعم يوضح حقيقة سخريته من نادية الجندي

الفنان تامر عبد المنعم ينعي المحامى فريد الديب

الفنان تامر عبد المنعم ينفي وفاة المحامي فريد الديب

 تامر عبد المنعم: في المشخصاتي 2 لقيت رصاصة في العربية.. وبناتي معاهم ربنا

تصريحات تامر عبد المنعم: لو حد ضرب بنتي يبقى البقاء لله فيه وخراب البيوت بسبب السوشيال ميديا