تامر فرج: أنا شخص متسامح وأبادر بالاعتذار في هذه الحالة

كشف الفنان تامر فرج موقفه من التسامح والاعتذار مشيرًا إلى أنه شخص متسامح بدرجة كبيرة ولا يحمل ضغينة إلى أي شخص.

وقال تامر فرج خلال لقاءه الخاص مع برنامج out box، عبر سوشيال قناة صدى البلد: 'أنا شخص متسامح ومبعرفش أشيل ضغينة، حتى لو اتخانق أو زعلت من حد تلاقيني تاني يوم أو في يومها بصالحه'.

واستكمل تامر فرج كلامه: 'في اعتقادي مفيش حد بيقول أنا اللي غلطان وأنا مش غلطان، هو لازم الغلط هيبقى جاي من الطرفين، وعشان كده أنا بصالح وبتسامح بسرعة'.

وعن المبادرة بالصلح، قال تامر فرج: 'ببادر بالصلح خصوصًا لو أنا اللي غلطان، فأنا لو غلطان لازم أبادر بالصلح، لأني ببقى قاعد مكسوف وزعلان من نفسي أوي'.

وأضاف: 'أما لو كنت مش غلطان فأنا ببادر برضه بالصلح وده كعلامة لحسن النية، لأن الصلح مش معناه إن حد انتصر على التاني ولازم نفهم الحكاية دي'.