تامر مجدي بعد التعاون مع المخرجة كاملة أبو ذكري: هفضل أتكلم عنك طول عمري

أشاد الفنان تامر مجدي، بتجربته العمل مع المخرجة الكبيرة كاملة أبو ذكري ، في بداية مشواره الفني.

وكتب تامر عبر حسابه الشخصي «فيس بوك»، «من الحاجات العظيمة اللي حصلت في حياتي وأكدت ليا إني ماشي في الطريق الصح، وإني شخص مش موهوم من بداية المشوار الصعب والمغامر، هو إيمان شخصية ومخرجة كبيرة تكتشف حاجة فيا، وتقدمني للجمهور في دور صغير ولكن مهم في فيلم واحد صفر».

وأضاف: «وتأكدلي بعدها باختياري في بدور أكبر وأهم في مسلسل 6 ميدان التحرير، ثم مسلسل سجن النسا بشخصية مختلفة تماما من 2014 لحد دلوقت الناس فكراها، والعمل الرابع كضيف خفيف في آخر حلقتين في مسلسل بـ 100 وش».

وتابع: «4 أعمال بحبهم جدا لكن مشبعتش من الشغل معاها، كنت محظوظ بـ 4 أعمال معاها ولكن طمعان في يوم أعمل معاها الدور اللي يخليها تفتخر بيا حقيقي وأشبع فنيا.. بحبك يا أستاذة كاملة وهفضل أتكلم عنك طول عمري لأنك استثنائية بالنسبة لي فنيا وإنسانيا».

كاملة أبو ذكري فى رسالة لوالدتها يوم زفاف ابنتها: «افرحي يا أمي بنتي تربيتك»

منة شلبي تعود لدراما رمضان بعد غياب ٤ سنوات مع المخرجة كاملة أبو ذكري