تامر هجرس: تعرضت لشلل في قدمي.. وأجريت عملية استغرقت 10 ساعات

كشف الفنان تامر هجرس حقيقة خلافه مع الفنان محمد رمضان بسبب دوره في فيلم الديزل، وأكد أنها مجرد شائعات.

تامر هجرس يكشف حقيقة خلافه مع محمد رمضان

وقال تامر هجرس في تصريحات تلفزيونية: 'معنديش خلاف مع محمد رمضان وبالعكس، طلب مني أعمل فيلم الديزل وعملته جدعنة له ولكريم السبكي والحاج أحمد، لكن مكنتش مقتنع بالفيلم، ومشهد انزل على ركبك يله بقى تريند مع الناس، وأنا لم أحصل على أجر عن المشاركة في الفيلم، ووجه الخلاف إني كنت شايف إن كان ممكن يستخدمني أحسن من كده، وإن يكون الدور أفضل من ذلك، ولكن إذا كانت تلك رؤية المخرج ما فيش مشكلة'.

تامر هجرس

تامر هجرس وفترة مرضه

وعن فترة مرضه، قال الفنان تامر هجرس: 'كنت اقوم برياضة تسلق الصخور وتسلقطت من مكان مرتفع مما عرضني لإصابه في ظهري، ووقعت مرة من المرات وقعة حوالي 25 متر على صخرة والحبل حرق إيدي كلها كانت على العضم'.

وعن الحادث الذي تعرض له وترك له آثرًا كبيرًا، قال: 'حصل شرخ في العضمة اللي بتمسك فقرات العمود الفقري، اتكسرت ونزلت على العصب وابتدى يحصل شلل في رجلي والدكتور قال لازم أعمل عملية بسرعة'.

تامر هجرس

واستكمل تامر هجرس: 'قالولنا أن العملية هتاخد 3 ساعات، العملية أخدت 10 ساعات لأني نزفت دم كتير واستمرت العملية وقت طويل، وعن تأثيرها جسديا الحمد لله مفيش تأثير إلا في حركات محددة، لكن نفسيا خلتني أفكر في حاجات موجودة كل يوم في حياتك وأنت مش حاسس بيها، بقيت مقدر كل حاجة في الحياة وبعيش اليوم بإيجابية أكتر'.

تامر هجرس يكشف كواليس مكالمة عادل إمام له وسر اختفائه

تامر هجرس يخوض مغامرات كوميدية في فيلم شوجر دادي

هنا الزاهد تدعم شقيقتها فرح في فيلم شوجر دادي: مفاجأة وخفيفة على القلب