تزامنا مع المونديال.. محمود العسيلي يعلق على عودة انتشار أغنية هنا مصر ويكشف سر دموعه

علق الفنان محمود العسيلي عودة انتشار أغنية هنا مصر، ونجاحها من جديد تزامنًا مع إنجازات منتخب مصر في بطولة كأس العالم 2026.

قال محمود العسيلي عبر تصريحات تلفزيونية: «والله أنا مش عارف هي بتعملها إزاي وإحنا بنقول والله حيرتيني.. الحمدلله فضل كبير ونعمة من عند ربنا سبحانه وتعالى، كل التيم اللي اشتغل على الأغنية دي اشتغل بقلب، قولنا ليه منعملش أغنية مصرية وطنية تشتغل في أي حتة حتى أماكن السهر زي ما بتشتغل هنا، الأطفال ينفع يغنوها في حفلات المدرسة.. الأغنية تبقى كل الناس بتغنيها».

تعليق محمود العسيلي على انتشار أغنية هنا مصر

وتابع: «مش مصدق نفسي على النجاح ده الحمدلله، مفيش حد مش بيغنيها، والجملة بقت موجودة في كل حتة، حتى المعلق بتاع الكورة لما بنجيب الجون بيقول يا مصر بتعمليها إزاي، وكابتن حسام واللعيبة وهما بيتمرنوا».

وفيما يخص تأثر محمود العسيلي بالأغنية وجملة «يا مصر بتعمليها إزاي»، بعد فوز منتخب مصر، علق قائلًا: «كنت بدمع واتأثرت جدًا بعد الماتش لما كسبنا، كل ما أشوف الناس بتحتفل والأغنية شغالة، ودي حاجة حلوة إن الإنسان يحس إنه بيعمل حاجة مهمة».

تصريحات محمود العسيلي

واختتم: «الشعب المصري في الكوميكس مبيهزرش، خدوها بالسلب وبالإيجاب، ودي أجمل حاجة في الشعب المصري إحنا مختلفين عن أي حد، في المصايب بنضحك وبنهزر، ولما بنفشل بنسف على نفسنا وبنضحك، ولما بننجح بنعظم من نفسنا بالطريقة اللي إحنا نستاهلها».