تشييع جثمان الفنان كريم عبدالعليم عقب صلاة العصر

تستعد أسرة الفنان الشاب كريم عبدالعليم لتشييع جثمانه، اليوم الأحد بعد ساعات من وفاته.

ومن المقرر أن تقام جنازة كريم عبدالعليم عصر اليوم الأحد، من مدينة طنطا، بحضور أسرته والأصدقاء.

أعلن الفنان حسام داغر وفاة الفنان كريم عبدالحليم، بعد حادث سير في الشيخ زايد، وتسببت وفاته في حالة حزن بالوسط الفني.

نشر حسام داغر مجموعة صور تجمعه بالراحل كريم عبدالعليم، عبر حسابه الرسمي بموقع فيس بوك، معلقًا: «الله يرحمك يا كريم.. مش مصدق وأنا بكتب الكلام ده.. الممثل الشاب كريم عبدالعليم كان طالب عندي في استوديو الممثل وخريج المعهد العالي للفنون للمسرحية في ذمة الله».

وتابع: «توفى من شوية عربية صدمته في الشيخ زايد وتوفى في المستشفى.. ده لسه فرحك كان في شهر يناير يا حبيبي يا شقيان يا ممثل يا عظيم وشاطر من أول ما عرفتك في مسلسل حضرة العمدة وشفت موهبتك وعلقت على جمالها وشطارتك وعرفت إنك من المتفوقين كمان في المعهد وأنك خدت جوايز كتير من أول فيلمك القصير بوتيتو potato اللي لف الدنيا وجيت وعرفتك أكتر كطالب عندي وشفت حجم موهبتك الكبيرة».

واستكمل حسام داغر: «ليه يا ربي وجع القلب ده.. ميغلاش على اللي خلقه ده كان بيضطر يجري ورا حلمه ويشتغل حاجات تانية علشان يقدر يتجوز ويفتح بيته لا حول ولا قوة إلا بالله لسه راجع من المستشفى ربنا يصبرني يارب ويصبر أهلك وزوجتك ويرحمك يا حبيبي يا كريم يا عريس الجنة».