تصريحات أحمد سعد عن علياء بسيوني.. صاحبة طفرة في حياتي ومستسلم لأفكارها

تحدث الفنان أحمد سعد عن علياء بسيوني زوجته الرابعة في أكثر من لقاء تلفزيوني، بطريقة رومانسية كأنها الزوجة الأولى له، وذلك قبل أن يحدث الطلاق اليوم الثلاثاء 29 أغسطس الجاري.

قال أحمد سعد عن زواجه من علياء بسيوني في تصريحات تلفزيونية له: «من خلال تجربة زواجي أربع مرات، شايف إن قمة النضج إنك تختار زوجة بتهتم بنفسها مش بتهتم بيك أكتر شيء».

تصريحات أحمد سعد عن علياء بسيوني

وتابع: «وبتحب نفسها أوي علشان لما تحب نفسها أكتر حاجة تقدر تحبك، مش تقول إنها بتحبني أكتر حد في الدنيا لأ تكون بتحب نفسها وتهتم بنفسها».

واستكمل حديثه عن زوجته الرابعة: «لازم يكون عندها كيان وبتحب كيانها لأنها لو بتحب كيانها هتقدر تحب كيانك ولو فاقدة أي شيء في حبها لنفسها مش هتحبك أكتر حاجة.. وسميت بنتي على اسم مراتي لأن كان نفسها تسميها باسمها ووافقت منعًا للمشاكل في البيت».

أحمد سعد وعلياء بسيوني

علياء بسيوني وأحمد سعد

وقال أحمد سعد أيضًا: «صاحبة طفرة مهمة في حياتي ومستسلم دائمًا لأفكارها لأنها شخصية قوية وذكية، ولا أستطيع إقدام خطوة جديدة بدونها».

وأضاف: «أول مرة أرتبط بجد ولا مخلوق كان يعرف بميعاد الفرح، كل الناس عرفت من الصحافة وأنا مش عارف عرفوا منين، مفيش حد كان يعرف غير الدكتور سامح أخويا، ووالدتي حضرت طبعًا، وأخواتي زعلوا مني بسبب الموضوع ده».

واستكمل حديثه عن زوجته الرابعة علياء بسيوني قائلًا: «حسيت إني أول مرة أرتبط، وده بسببي أنا في حاجات كتير في حياتي معملتهاش، عملتها دلوقتي وكنت دايمًا ناقم عليها ورافضها».

طلاق أحمد سعد وعلياء بسيوني

وقبل طلاق أحمد سعد وعلياء بسيوني، قال عنها: «مكنتش بعمل حاجات الناس الطبيعية لكن مع علياء عملتها بسبب السن والاختلاف، وكنت ناقم على الخطوبة وقراءة الفاتحة والشبكة وإننا ننزل نجيب العفش مع بعض، والحاجات دي طول عمري ببص على الحاجات دي إن اللي بيعملها ناس قديمة، لكن اتضح لي إن أي حاجة لها علاقة بالعرف ليها أسباب».

واستطرد قائلًا: «بعد ما كنت شخص مهرجل بقيت أخاف إن حد يدوس بالجزمة على السجادة، لأني تعبت فيها واشترتها وفرشتها وفضلت واقف بعيد عشان أشوف شكلها، وشاركت مع علياء في كل تفصيلة وبقيت أخاف أزعلها لأنها مكانتش رخيصة وغالية جدًا في كل موقف بيننا».

طلاق أحمد سعد وعلياء بسيوني

طلاق أحمد سعد وعلياء بسيوني

أحمد سعد وعلياء بسيوني