إحسان الترك: بعت عفش بيتي ومخلتش بنتي تكمل تمثيل عشان أنا صعيدي

تصريحات إحسان الترك تصدرت التريند الساعات الماضية، بعد أن حل ضيفًا على أحد البرامج وتحدث خلالها عن وابنته نور الترك التي كانت تمثل في طفولتها، وكذلك تحدث إحسان الترك عن والده والفنانين الذين اهملوه، وفيما يلي نرصد أبرز تصريحاته وإليكم التفاصيل.

تصريحات إحسان الترك

• منعت بنتي نور من التمثيل لأنها كبرت فقولتلها أقعدي من التمثيل لأن إحنا صعايدة
• دلوقتي لو هي حابة ترجع للتمثيل مقدرش اتكلم لأن بقى ليها حياتها واتجوزت وليها بيتها
• قاعد في البيت بقالي خمس سنين هل مفيش دور لدكتور أو مستشار أو أب.
• أنا نموذج من النماذج اللي قاعدين في البيت، ودي مؤامرة ضدي
• أنا بعت عفش بيتي عشان كنت ساكن في مكان كبير ودلوقتي قاعد في شقة صغيرة
• مناشدتش دكتور أشرف زكي عشان اشتغل لأنه عليه حمل تقيل ومقدرش أحمله زيادة عن طاقته
• أنا بقالي خمس سنوات مش بتابع سينما ولا بفتح تليفزيون من قهري
• اللي عمله معايا محمد رمضان، عمله زي ابن بار لأبوه، هو والمخرج محمد سامي
• خلقولي دور في مسلسل جعفر العمدة
• تامر حسني بحبه واعرفه من زمن، بس المشاغل بتنسي، وعندي عتب عليه، ومعنى أني بعتب يبقى أنا بحبك
• والدي اتوفى وأنا عندي 12 سنة ولما اتوفى أنا بقيت راجل واتحملت المسئولية

إحسان الترك برنامج بنت البلد

تحدث الفنان إحسان الترك عن أزمته الأخيرة بسبب قلة ظهوره على الشاشة والأعمال الفنية، معلقًا: «وصلت لمرحلة بعت حاجات من بيتي».

قال الفنان إحسان الترك في لقائه مع الفنانة نشوى مصطفى ببرنامج «بنت البلد»، عبر شاشة قناة صدى البلد: «هناك مخرجين لا يردوا على اتصالاتي وطلبت مساعدة من مخرجين وممثلين ومفيش استجابة».

وتابع الفنان إحسان الترك قائلًا: «تم حصري في أدوار معينة ولي أعمال بالمسرح أشاد بها نقاد وكبار الفنانين وهي شخصيات صعيدي ومعلم في الحارة».

إحسان الترك

وأشار إلى أن هناك أحد النقاد الكبار شبهه بالنجم عادل أدهم، وتحدث عن عمله بجانب الفن قائلًا: «كنت عايش بين أوروبا وأمريكا والخليج وكنت نائب مدير مبيعات وتسويق لإحدى الشركات بمجال السيارات من أقوى شركات صناعة السيارات في العالم».

وأضاف الفنان إحسان الترك : «قررت أن أعود لبلدي بعد 26 سنة وكنت عامل مبلغ يعيشني ملك وياريتني كنت سمعت كلام حمايا إني أترك فلوسي في البنك ولكن من صغري وأنا واخد على الشغل وعملت مشروع واتخرب بيتي بسببه».

إحسان الترك: فنانون ومخرجون رفضوا مساعدتي .. فيديو

إحسان الترك: 26 سنة غربة واتخرب بيتي بعد أول مشروع عملته

إحسان الترك: محمد رمضان استقبلني بحفاوة ابن لأبوه واستأذن المؤلف يكتب دور لي مخصوص.. فيديو

محمد رمضان يعلن انضمام إحسان التركي لـ «جعفر العمدة» بعد ساعات من استغاثته

إحسان الترك لـ صدى البلد: محمد رمضان تواصل معي لدعمي