تصريحات المطربة بوسي كاملة: طليقي مبيصرفش على ابننا وأرفض تقديم دويتو مع حسن شاكوش وحمو بيكا

تصدرت تصريحات المطربة بوسي مؤشرات البحث الأيام الماضية، بعد استضافتها في أحد البرامج التي كشفت خلالها العديد من الأسرار.

بوسي تتحدث عن طليقها

أكدت المطربة بوسي، في تصريحات تلفزيونية عدم منعها طليقها لرؤية ابنها، وقالت: 'مش مانعة طليقي يشوف ابنه بالقوة وهو مش بيشوفه عشان لم يسعى لده وهو بيقول للناس أني مانعاه ولكن عمري ما امنع ابني يشوف ابوه وابني مطلبش يشوف ابوه ولا أبوه طلب'.

ووتابعت: 'طليقي مش بيصرف على ابننا وأنا اللي متكفله به من يوم ما اتولد حتى الان'.

المطربة بوسي

هل تذهب بوسي لطبيب نفسي

نفت بوسي، خبر ذهابها لطبيب نفسي وقالت: 'المرض النفسي زي أي مرض وكلنا جوانا حاجات محتاجة دكتور نفسي وأكيد نفسي اروح لدكتور نفسي ولكن الدكاترة قليل لما تلاقي حد تثق فيه لكن عمري ما رحت لطبيب نفسي'.

بوسي وحسن شاكوش

وعن تقديم دويتو مع مغنين المهرجانات حسن شاكوش أو حمو بيكا، قالت بوسي: 'لو شاكوش أو بيكا عرضوا عليا اعمل دويتو مش هقبل ومش عايزة اعمل النوعية دي من الاغاني وهما شغالين بطريقة أنا مش بغنيها'.

وأضافت: 'حمو بيكا وحسن شاكوش بيغنوا مهرجانات غير الغناء واللون الذي اغنيه وهو في الأغاني الشعبية'، كما أشارت إلى أنها تعتمد على نفسها منذ صغرها لعدم وجود سند لها في حياتها.

المطربة بوسي

بوسي وشيرين عبد الوهاب

وعن غضبها من غناء النجمة شيرين عبد الوهاب أغنيتها آه يا دنيا، وقالت: 'مضيقتش لما شيرين غنت أغنيتي لأن نجمة كبيرة زيها تغني أغنيتي في بدايتي كانت حاجة كويسة، وانصحها تفوق وترجع لشيرين بتاعت زمان اللي كلنا عارفنها ودي نصيحة لأني بحبها'.

المطربة بوسي

أسرة المطربة بوسي

واستكملت المطربة بوسي، حديثها، وقالت: 'في أوقات بيجي على الواحد من كتر الحرب في الشغل والصعوبات في الحياة عموما والمهنة خصوصا بتبقي عايزة تسيبها مخضرة بس برجع افكر وتشوفي قد ايه تعبت وطلع عيني عقبال ما وصلت للي فيه وشقيت واستحملت حاجات كتير للوصول للنجومية، واتعودت ابقى قوية من صغري بس ممكن يكون بسبب أني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والاخر هي ست لكن عمري ما ظلمت حد بل ظلمت نفسي في حاجات كتير'.

المطربة بوسي

وواصلت حديثها، وقالت: 'مقلتش شغلي في شارع الهرم تنازل لكن ندمانه على الشغل في شارع الهرم لكن هو علمني اتعامل مع الناس وخلاني عندي خبرة في التعامل، وبصراحة مكنتش حبه اشتغل في الاماكن دي والأماكن دي مش شبهي وشفت فيها حاجات كتير ولكن كنت عيلة صغيرة وبأكل عيش'.

المطربة بوسي

واختتمت حديثها، وقالت: 'كنت مش عايزة استمر وكنت مجبورة على الشغل وكنت شغالة بالإكراه واضربت عشان انزل الشغل وتعرضت للإهانة، وبحمد ربنا أن ربنا لسه مخلي فيا عقل من اللي شوفته'.