تطورات الحالة الصحية للفنانة مي الغيطي بعد تعرضها لحادث مروع في تايلاند

تصدر اسم الفنانة مي الغيطي مؤشرات البحث خلال الفترة الماضية وذلك عقب تعرضها لحادث مروع في تايلاند منذ أشهر، آدى لاصابتها بعدد من الاصابات البالغة.

وقالت مي الغيطي متابعيها عبر حسابها على إنستجرام: 'في ناس كثيرة بتسألني أنا كنت مختفيه ليه .. من ٧ شهور كنت في حادثة حصلت في تايلاند'.

وتابعت: 'اتخبطت بعربية نقل في العربيه اللي كنت فيها، و اتصبت إصابات بالغة. حصلي كسر في حوضي، و إصابة في العمود الفقري، وكان عندي إصابات داخلية و نزيف داخلي وتلف في الأعصاب في رجلي'.

 

View this post on Instagram

 

A post shared by May Elghety (@mayelghety)

واستكملت مي الغيطي كلامها، وقالت: 'قعدت في المستشفى أسابيع في تايلاند و رجعت مصر علشان أكون مع أهلي وأتعالج وسط دعمهم'.

وأضافت مي الغيطي: 'مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي فترة و كل شوية نكتشف حاجة جديدة انا دلوقتي احسن بكتير جدا الحمدلله و دي حاجة محدش كان متخيلها بعد فتره نسبياً قليلة'.

واختتمت كلامها: 'حاسة إني كنت عايزة أشارك ده دلوقتي عشان اقول ان الجسم عنده قدرة رهيبة على الشفاء.. أقوى بكتير مما نتخيل و ان التعافي بياخد وقت، بس بييجي. لو إنت بتمر بوقت صعب، ارجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا على تحمل الصعاب'.