تطورات حالة أروى جودة الصحية بعد التعليقات المسيئة

كشفت الفنانة أروى جودة تطورات حالتها الصحية، بعد الانتقادات والتعليقات المسيئة التي تعرضت لها عقب ظهورها في مسلسل نعمة الأفوكاتو.

قالت أروى جودة عبر تصريحات تلفزيونية لها: «أنا الحمد لله وبإذن الله هبقى كويسة، ده الوقت ابتديت أخد علاج والحمد لله قدر الله وماشاء فعل».

تطورات حالة أروى جودة الصحية

وتابعت: «عارفة اللي عندي أبسط من حاجات كتيرة عند ناس تانية.. ربنا يشفي الجميع يارب.. والحاجة الوحيدة اللي عايزة أطلبها من أي حد، حابب يعلق عند شخص مشهور، لازم تفكروا إنتو الكلام اللي بتكتبوه ده ممكن يجرح الشخص ولا لأ»؟

واستكملت الفنانة أروى جودة قائلة: «محدش عارف ظروف الناس التانية إيه، مينفعش ننتقد الناس أنها تخنت أو خست.. إن كان اختيار شخصي أو شيء مرضي، بالحالتين المفروض تكون شخصية وطالما الواحد صحته كويسة هو يختار شكله يطلع إيه.. والأهم من ده لو حد عنده تعليق ممكن يلاقي أسلوب ألطف لتوصيل الرسالة من دون إهانة أو شتيمة أو ينقص من قيمة حد».

أروى جودة مسلسل نعمة الأفوكاتو

مرض أروى جودة

كما كشفت أنها تعاني من مرض في الغدة منذ حوالي 3 سنين، وأدى إلى زيادة وزنها 20 كيلو، وروت حكايتها قائلة: «مكنتش عارفة إيه السبب بتاعها، وكنت بلعب رياضة وبعمل ريجيم.. ومكنتش بحصل على أي نتيجة، وبالصدفة كنت قاعدة مع أختي وقالتلي ممكن تكون مشكلة غدة».

واختتمت أروى جودة: «فعلاً أول ما عملت تحليل، قالي الدكتور أني أعاني من كسل في الغدة.. وهو اللي مسبب الحالة دي، وإن شاء الله الدواء اللي باخده يساعد الغدة على استعادة نشاطها».

أروى جودة

أروى جودة