تطورات حالة محمد فؤاد عقب إصابته ومشاركته بمهرجان العلمين 2024

كشف الفنان محمد فؤاد تطورات حالته الصحية، وحرص على على طمأنة الجمهور عقب إصابته بالعصب السابع، وذلك على هامش حفله في مهرجان العلمين الجديدة 2024.

قال محمد فؤاد في كلمته على المسرح بحفله في مهرجان العلمين بدورته الثانية: «ولادي حاضرين الحفلة عشان يطمنوا إني هعرف أغني، وتاني يوم فرح عبد الرحمن كنت لابس جاكيت كان لصاحبي وحد حسدني وقالي على الجاكيت إنه حلو مع إني مستلفه بعدها اتلوحت، وساعتها طلع عنوان أن فؤاد لابس جاكت وأتكتب جنبه سعر خيالي».

تطورات حالة محمد فؤاد

وأضاف: «صحيت الصبح تعبان، بس لسة الخبر طالع من يومين أني تعبان، بس أنا كنت مخبي، والحمد لله بقيت كويس، وهعمل على الجاكيت مزاد وهاتوا فيه أغلى ثمن وأنا اتبرع به لأطفالنا في مستشفى الأطفال 57357».

واستكمل محمد فؤاد كلمته برسالة للجمهور، قائلًا: «علموا ولادكم يسمعوا عمرو دياب ومحمد فؤاد وإيهاب توفيق، جيلي كلهم بيخافوا يطلعوا الكلمة، عشان منطلعش جيل وحش، أنا بسمع حاجات غريبة اليومين دول، بس محتاج أقولكم كله هيتحاسب، أهم حاجة الجمهور يشوفك يحبك عشان الكلمة».

محمد فؤاد

إصابة محمد فؤاد بالعصب السابع

واختتم: «دلوقتي فيه غل وحقد، عشان كدا بشكركم وبشكر مساندتكم لجيلي، شوفوا خالد عجاج كان جميل إزاي في الحفلة، خالد عجاج دا ممكن بكلام أونطة ينزل يقلب الدنيا، بس الرجل دا بيتقي ربنا، بصوا الحب الحقيقي لحد دلوقتي عايشة».

وكان قد ظهر الفنان محمد فؤاد بنظارة سوداء في أول ظهور إعلامي له، عقب إصابته بالعصب السابع، وظهر عليه علامات التعب.

وقال محمد فؤاد عبر تصريحات تلفزيونية، على هامش إحياء حفل «ديسكو 90» برفقة نجوم التسعينيات في بيروت: «لبنان بلد الفرح والبهجة والابتسامة».

محمد فؤاد