تعليق جديد من حسين الشحات على أزمة فتوح والشيبي

علق حسين الشحات، لاعب الفريق الأول لكرة القدم بالنادي الأهلي، على الأزمة المثارة حاليا بشأن أحمد فتوح لاعب الزمالك، الذي حصل على إخلاء سبيله من ، بكفالة مالية 50 ألف جنيه، على خلفية اتهامه بالقتل الخطأ والقيادة تحت تأثير المواد المخدرة.

وكتب حسين الشحات، عبر صفحته الشخصية على موقع 'فيسبوك'، الآتي:' (بسم الله الرحمن الرحيم والصلاة والسلام على رسول الله {واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}

أنا عايز اتكلم في موضوع كلنا بقينا بنتكلم فيه بس ماحدش حساس ب حاجه الموت بقااا قريب مننا كلنا وناس كتير بقت تموت من كتر الضغط النفسي وشوفنا اخونا وصاحبنا احمد رفعت ربنا يرحمه يارب

وشوفنا الأب الروحي الكابتن ايهاب جلال ربنا يرحمه يارب وانا كنت من فتره قريبا ل مشكلتي مع الشيبي وكان عليه ضغط ربنا وحده إلا كان عالم بيا وطلعت واعتزرت

ودلوقتي مش عايزين نوصل موضوع اخويا احمد فتوح لكده ونرجع نقول بعد كده ياريت كنا خفينا عليه فتوح غلط وقال انا غلط مش لازم نتكلم ونقول لا انت غلطان ونضغط عليه اي راجل لما بيتطلع يعتذر ويقول انا غلط سامحوني اولا دي حاجه كبيره جدا عند ربنا والراجل طلع وقال أنا غلطان وعايز يروح ل اهل الميت ربنا يرحمه يارب ويصبر اهله واولاده يارب مش كل شويه نطلع ونقول حسين انت شتمت حسين انت غلط

نفس الكلام فتوح مش كل شويه نطلع ونقول انت غلطان ادعي ل فتوح ربنا يهديه ويسامحه ادعي ل حسين ادعي ل اي إنسان بيغلط (كل بني آدم خطاء وخير الخطائين التوابون ) ربنا يهدينا جميعا ويسامح الجميع يارب الدنيا مش مستاهله

( واتقوا يوما ترجعون فيه إلى الله ثم توفى كل نفس ما كسبت وهم لا يظلمون ترقبوا وخافوا يوما يردكم الله سبحانه وتعالى إليه فلا تملكون من أموركم شيئا فيه )..فَمَا ظَنّكُم بِرَبّ العَالمِين..... اللهمّ إنّا نظن بك غفراناً وعفواً... وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة..وتوبةً نصوحاً وعتقاً من النار..فهْب لنا مزيداً من فضلكَ.. يا واسِع الفضل والعطاء..

اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين ياااااااااااااااااارب العالمين'.