تفاصيل إصابة أحمد عبد الوهاب بسبب دوره في مسلسل الحشاشين

تحدث الممثل الشاب أحمد عبد الوهاب عن تعرضه لإصابة بسبب الحصان الذي كان برفقته خلال تصوير مسلسل الحشاشين.

إصابة أحمد عبد الوهاب

قال أحمد عبد الوهاب خلال تصريحات تلفزيونية: 'وقعت من على الخيل وهو بيجري، وإحنا بنصور مشهد والمفروض خارجين من المعسكر فرسان بنجري بالحصان'.

وتابع: 'توازني اختل ورجلي خرجت من الركاب وحاولت أمسك الحصان من اللجام، فالحصان طلع ندل شوية راح مميل رقبته ووقعني على كتفي، واتعقدت وكنت مش عايز أركب خيل تاني'.

تصريحات أحمد عبد الوهاب

واستكمل أحمد عبد الوهاب حديثه، وقال: 'بعدها بيومين بالظبط كان عندنا مشهد هنصور حاجة بالخيول، ودكتور بيتر ميمي عارف إني متعقد فقالي الحصان ده تمام ومتقلقش'.

وأضاف: 'وعشان إبراهيم كمال اللي قدم دور سليمان، أحسن واحد فينا بيركب خيول قاله إطلع إنت جرب الحصان بتاع عبد الوهاب عشان يتطمن وخد بيه لفه وأرجع له'.

واختتم أحمد عبد الوهاب حديثه، وقال: 'فضلت قاعد مستنيه يجرب الحصان لقيته أتأخر أوي فجأة لقيت ناس بتجري ولقيت إبراهيم راجع وإيديه مجروحه والحصان وقعه'.