لو عديت البحر إحنا معاك ووراك.. مصطفى بكري يوجه رسالة للرئيس السيسي

علق الإعلامي مصطفى بكري على لقاء الرئيس السيسي مع عمد ومشايخ القرى وبعض المسؤولين بالدولة؛ للوقوف على أهم المشكلات التي تواجههم والعمل على حلها، معلقا: «مشهد له دلالة لأن الدولة في لحظات التحدي محتاجة تسمع وتشوف الصورة من أكتر من زاوية وتسمع أكثر من صوت».

وأضاف بكري خلال برنامج «حقائق وأسرار» على قناة «صدى البلد»: «محتاجين ثورة ياريس ضد الفساد.. حلم الطبقة المتوسطة كريمة المجتمع.. الناس اللي صابرين اللي عارفاك وشافت المشروعات القومية.. الفترة الجاية فترة نهوض والشعب والقيادة ولو عديت البحر إحنا معاك ووراك».

وتابع مصطفى بكري: «مشاكل كتير حضرتك اتكلمت عنها ياريس.. ووزير الداخلية خفف على الناس.. محتاجين يا حكومة نراعي المواطن.. أخفف الكهرباء من هنا أزود المرتبات من هنا»

وواصل بكري: «لقاءك ياريس مع العمد والمشايخ دا معناه أنك عارف كل المعلومات وعاوز تقابل وتكلم الناس.. وكلنا عارفين أنك مش هتخيب أمل المصريين»

واختتم مصطفى بكري: «الرئيس تحدث في كلمته عن أهمية رفع الروح المعنوية للرأي العام، مع التأكيد على أن ضرورة أن يكون ذلك مرتبطا بالعمل الحقيقي وليس مجرد كلام».