تفاصيل تعرض شيرين عبد الوهاب للخيانة والسرقة 25 سنة

تصدر اسم الفنانة شيرين عبد الوهاب التريند بمؤشر البحث الأشهر جوجل، ومواقع التواصل الاجتماعي المختلفة بعد تصريحاتها الأخيرة التي كشفت أسرارها.

قالت شيرين عبد الوهاب في تصريحات تلفزيونية لها: «بقالي 25 سنة بتسرق وطلبت الاستشارة من دكاترة نفسيين ومعرفوش يوصلوا لحاجة ولا حل لحالتي».

تصريحات شيرين عبد الوهاب

وتابعت: «كل من كان في حياتي خونة، أقرب وأبعد الناس كانوا خاينين ومفيش أصل ولا عشرة والفلوس ملهاش علاقة بالتعاسة، أنا شقيت من وأنا عمري 13 سنة ولو كان اللي حواليَّ بيستثمروا لي فلوسي كان زمان بقى معايا».

واستكملت الفنانة شيرين عبد الوهاب حديثها قائلة: «لو حد تاني بيحب الفلوس كان اتنقط، واللي عندي دايمًا مش ليّ، أنا عايشة حياتي ببساطة ومعنديش خدم كل اللي عندي فدانين أرض زارعاهم كل الحاجات اللي بحبها.

شيرين عبد الوهاب

أسرار شيرين عبد الوهاب

كشفت الفنانة شيرين عبد الوهاب أسرار من حياتها الشخصية، وأصعب الفترات التي مرت بها حيث تمنت الموت لها ولبناتها.

قالت شيرين عبد الوهاب في تصريحات تلفزيونية لها: «لما كانت الناس تشوفني في حفلة ويقولوا مش ده أداء شيرين اللي إحنا نعرفها، وفي الوقت ده إحساسهم كان حقيقي لأني مكنتش طبيعية، وفي أول حفلة ليا في مهرجان قرطاج لما وقعت فيها على المسرح، بعد أزمتي وقعت وقعة غريبة على ركبتي وقعدت فترة أتعالج ومحدش كان يعرف، وكان فيه حاجة غريبة بتحصلي».

وتابعت: «اللي بيأذيني مش حطاه في راسي نهائيًا، بس أنا بتأثر جدًا، والناس من حقها تعرف أنا كنت تعبانة والظروف كانت معايا صعبة فيه أوقات حاولت أموت وكنت بقول لربنا لو ما خدتنيش أنا هزعل منك أوي وخدني أنا وبناتي علشان أنا مش هعرف أسيبهم في الدنيا لوحدهم».

واستكملت شيرين عبد الوهاب حديثها وروت موقف لا تنساه لأحلام، قائلة: «كنت جاية من العمرة وتعبانة وبعيّط، مسكتني وعصرتني، وقلتلها أنا محتاجة لشيخ يقرأ لي قرآن عشان يحصّنني، هي أحلام طيبة وما شاء الله حافظة القرآن كويس.. ودائمًا أردد يا رب متخليش صفاتي الحلوة هي تبقى سبب تعرضي للأذى في الدنيا.. يا رب استخدمني وأكون سبب في الأرض لخدمة الناس وتقديم العمل الإنساني».

وقالت شيرين عبد الوهاب أيضًا: «الاختيار غلط لو في حياتك 40 شخص طلع منهم 25 وحشين، لكن كلهم أقرب وأبعد الناس طلعوا خونة، مفيش أصل ولا عشرة، وكل الناس لابسة أقنعة».

شيرين عبد الوهاب