تفاصيل حادث فادي خفاجة.. «انقلاب السيارة بسبب لايف تيك توك»

كشفت الفنانة منة جلال تعرض الفنان فادي خفاجة لحادث سير، أثناء ظهوره لايف على تطبيق الفيديوهات الشهير تيك توك.

كتبت منة جلال عن حادث فادي خفاجة في منشور عبر حسابها الرسمي بموقع فيس بوك: «يا جماعة اللي يعرف يوصل لفادي خفاجة الممثل».

حادث فادي خفاجة

وتابعت: «كان لايف على التيك توك والعربية انقلبت بيه وتليفونه فصل»، ثم تم نقل الفنان إلى إحدى المستشفيات وسيظل اليوم في المستشفى لمتابعة حالته.

ولم يعلق أحد من أسرة الفنان فادي خفاجة حتى الآن، ولم يتم الكشف عن الإصابات التي تعرض لها بسبب انقلاب سيارته.

حادث فادي خفاجة

تصريحات فادي خفاجة

وفي وقت سابق، أعرب الفنان فادي خفاجة عن ندمه بعد انهياره وظهوره في مقطع فيديو، بسبب عدم عرض أعمال فنية عليه، قائلًا: «أنا مش قادر أقول حاجة غير إني كنت في لحظة ضعف».

وتابع فادي خفاجة في تصريحات تلفزيونية له: «برجوا الناس زي ما شايفين إني فنان.. أنا انسان ولو رجع بيا الوقت مش هعمل الفيديو ومش عارف أنا عملته إزاي.. أنا بسعى بقالي كتير طول الوقت الناس بتقولي أنت فين إحنا متربيين على ونيس».

وأضاف: «أنا لا حصلت فنان ولا إنسان طبيعي وأنا لو سبت الناس في حالي وقعدت لوحدي أنا معنديش إجابات وأنا بتسأل السؤال ده في اليوم مليون مرة.. وكل الأساتذة الكبيرة اللي اشتغلت معاهم كانوا بيشكروا فيا وده إداني أمل وكنت بشوفه رسالة إني أقدم في المعهد العالي للفنون المسرحية واجتهدت واتخرجت بتقدير».

واستكمل: «كل ده راح فين ولما تواجدت في مسلسل زي الاختيار كنت ضيف شرف، وده كان شرف ليا وانتظرت أن أبواب ربنا تتفتح وبعد كل ده مفيش وأنا مش عارف أنا مبشتغلش ليه واتحدى إن مخرج يقول إني أنا مبجيش في معادي، أو منتج يقول إني ناقشته في الأجر محصلش».وقال فادي خفاجة أيضًا: «سعيت وروحت قابلت مخرجين بدون استدعاء، وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام ده كويس بس أنا مش عارف اتواصل معاه لأن وسط كل اللي بيتقدم أنا مش هظهر.. وأعز الزملاء ومواهب أكبر مني كلنا بنكلم بعض وبنسال ليه مش بنشتغل».

واختتم: «لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس أخدت الفيديوهات وقطعتها وأنا مكنتش متخيل أن ناس تعمل كدة.. كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح».

فادي خفاجة