تفاصيل سخرية رامز جلال من أحمد حاتم : هربان من فجر الإسلام

ياسمين حمادة 15 ابريل 2023 | 07:33 مساءً

سخر الفنان رامز جلال من الفنان أحمد حاتم ضحية الحلقة الجديدة من برنامجه التلفزيوني، قائلًا: «لسة جاي من الحرفيين.. داهن زيت أملا في شعره».

أحمد حاتم مع رامز جلال

وتابع الفنان رامز جلال عن الفنان أحمد حاتم: «إيه البنطلون القصير دا.. ودقنه غريبة تحسه هربان من فجر الإسلام.. دقن السينما أرطغل الدراما.. هنجرّي أحمد حاتم زي الفار هو فاكر إن دمه خفيف ويقول الإيفيه بس هو يا لطيف».

كان قد سخر الفنان رامز جلال من الفنانة رنا رئيس التي وقعت ضحية برنامجه التلفزيوني، قائلًا: «قليلين اللي بقوا نجوم وهما لسه لابسين البامبرز».

أحمد حاتم مع رامز جلال

رنا رئيس ورامز جلال

وتابع رامز جلال كلامه عن رنا رئيس قائلًا: «بطلة حلقتنا من أشهر المراهقين في هذه الحقبة، البنت دي بقت نجمة وهي عندها 22 سنة وهي واللي زيها مشقيوش والسوشيال ميديا شهرتهم وفيديوهات التيك توك جننتهم».

واستكمل: «ولو استمروا كده هيقعدوا في بيتهم هقولك كلمتين خديهم لحياتك أساس الفن عمره ما كان شهرة بقولها ركزي في أدوارك واهتمي بالأداء والإحساس، أوعي تتغري قبلك كتير عدى الزمن عليهم وداس، معانا المراهقة الحسناء الصغيرة على الفن، نجمة المراهقين رنا رئيس».

وقال رامز جلال أيضًا: «الحقيقة أنا قلقان لأحسن رنا رئيس لو خدناها وحطيناها الغسالة هتقصر وتكش أكثر مهي قصيرة، ولو طلعناها المطعم الطائر مفيش حزام هيقفل عليها ومش بعيد تقع ونلبس قضية.. مبروك يا رنا كسر في الحوض».