تفاصيل مسلسل «على ضهر راجل».. أول بطولة مطلقة لـ «كزبرة»

تحدث الفنان أحمد بحر الشهير بـ كزبرة عن كواليس مشاركته في مسلسل الغاوي، واستعداده لتقديم مسلسل جديد من بطولته بعد رمضان 2025.

كتب كزبرة في منشور عبر خاصية الستوري التابعة لحسابه الرسمي بموقع انستجرام: «بسم الله الرحمن الرحيم الحمد لله حمدًا كثيرًا.. أنا حابب اتكلم في موضوع.. شكرًا لكل حد بعتلي رسالة حلوة واتكلم عني وإداني حقي في دور فؤش في الغاوي».

كزبرة في مسلسل الغاوي

وتابع: «ربنا اللي عالم أنا الفترة اللي فاتت كل الناس الي حواليا كانت بتقولي أنت مجنون بسبب الحاجات اللي رفضتها في رمضان وحاجات كتير منها بطولة بس أنا مكنتش مرتاح ومكنش فرقلي غير أن أعمل حاجة حلوة».

واستكمل كزبرة: «ورُحت عملت دور فؤش مع أنه دور صغير بس اللي حركني أنه دور مختلف وآمنت بربنا أنه هيكرمني لأني عايز أقدم حاجة حلوة، وكان عندي يقين إن ربنا هيكرمني والحمدلله ربنا كرمني والناس طلعت بتقدر الحاجة الحلوة ومخيبتش ظني، فالمعني إيه من الكلام ده.. إن مش مهم الكم المهم إنك تعمل حاجة حلوة أنت مصدقها وراضي عنها، وسيب الباقي على ربنا وصدقني هتطلع كسبان، أخيرًا شكرًا لكل إخواتي اللي في ضهري واللي جاي هيعجبكم أكتر وأكتر».

تصريحات كزبرة

واختتم: «بإذن الله عملكم مسلسل حلو بعد رمضان حاجة مختلفة برضه هتتبسطوا أوي.. بس المرة دي هيبقى أول بطولة ليا يارب أبقى قدها مسلسل علي ضهر راجل».