جدو يرد على أحمد سليمان بعد تصريحاته ضد بيراميدز.. «أنتوا اللي عليكم علامات استفهام»

ردّ محمد ناجي جدو، المدرب العام لنادي بيراميدز، على أحمد سليمان، عضو مجلس إدارة نادي الزمالك، بعد تصريحاته التلفزيونية الأخيرة، والتي تحدث فيها عن نادي بيراميدز.

وقال سليمان، خلال إحدى البرامج التلفزيونية، «هناك علامة استفهام كبيرة على نادي بيراميدز»، مضيفًا أن «هناك مشكلة في التعاقدات الداخلية (لو رفعنا سماعة التليفون) على بعض الأندية يكون هناك تشدد، ومن بينها بيراميدز».

رد جدو على أحمد سليمان

وقال محمد جدو، عبر حسابه الرسمي على موقع التواصل الاجتماعي «اكس» (تويتر سابقًا)، «الكابتن أحمد سليمان طلع أمبارح وهاجم بيراميدز وأندية الشركات قال علامات استفهام علي بيراميدز عشان مش بيدوهم لاعيبة وأنهم بيشتروا لاعيبة وأنهم بيصرفوا كتير وبيدخلهم فلوس قليلة ومش بيسيبوا لاعيبة تحترف».

وأوضح جدو قائلًا: «أولاً بيراميدز أداهم عمر جابر ودونجا وعبد الله السعيد وهما دلوقتي أحسن لاعيبه في الزمالك وهل لو بيراميدز كلم الزمالك أنهم عايزين زيزو مثلا الزمالك هيوافق؟ و ماسيبتش زيزو يحترف ليه؟!».

وأردف قائلًا: «ثانيًا طبييعي أن بيراميدز يشتري لاعيبة ويقوي القايمة زي كل الفرق. ثالثًا ممكن تقولنا يا كابتن أحمد الزمالك بيصرف كام وبيدخله كام و هل بيكسبوا فلوس من الكوره اكيد لا. الزمالك دفع أكتر من مليار جنيه غرامات بس !! في ممكن تقولنا الكوره في الزمالك بتكسب كام».

وتابع: «رابعًا من أول المجلس نجح في الانتخابات وكل لقاء تليفزيوني من أول الرئيس لأصغر عضو بيتكلم عن رمضان وعايزين رمضان صبحي مع أنه متعاقد مع النادي لمدة تلات سنوات ودي حاجة عمري ماشوفتها في أي حتة في العالم لا في مصر ولا بره مصر أن مسئولي نادي بيتلمكوا عن لاعب في نادي تاني وتعاقدوا ساري لمده 3 سنوات».

وختم جدود منشوره قائلًا: «بصراحة أنتوا اللي عليكم علامات استفهام!!»، وذلك حسب تعبيره.