جماهير الأهلي تهاجم رانيا علواني بعد تهنئة حازم إمام بحصد الزمالك لقب الدوري

صدى البلد الرياضة 27 اغسطس 2021 | 04:55 مساءً

شنت عدد من جماهير النادي الأهلي، هجومًا عنيفًا على رانيا علواني، عضو مجلس إدارة النادي الأهلي، بعد تهنئة حازم إمام، نجم نادي الزمالك السابق، بحصد درع الدوري لصالح القلعة البيضاء.

جماهير الأهلي تهاجم رانيا علواني

وقال أحد متابعين رانيا علواني: «مش عايزين أهلاويتك دي، خليكي مع الكيوت اللي شبهك وسيبيلنا احنا الأهلي نادينا وبنحبه سواء فائز أو مهزوم»، لترد علواني: «أهلويتي مش بتقييم حضرتك!».

جماهير الأهلي تهاجم رانيا علواني

وقال الآخر: «لما تبقي عضوه مجلس إداره ما ينفعش تهنئي الخصم ببطولة أنتي خسرتيها احتراما لشعور الجمهور ولو قفلت معاكي هنئي من غير إيموجي فرح واحتفال و زيطه»، لترد علواني: «لا يا فندم ! دي اسمها أخلاق الرياضة ! و ناس كتير مش فاهمين ده، أنا باعمل اللي ضميري وتربيتي بيسمحوا بيه».

جماهير الأهلي تهاجم رانيا علواني

وأضاف متابع آخر: «تصريحاتك دايما مخالفه لمبادئ النادي ومجلس الإداره هي اللي بتديهم فرصة وبتحطم في مواقف مش كويسه، لترد رانيا علواني قائلة: «كلام حضرتك مش مظبوط».

جماهير الأهلي تهاجم رانيا علواني

وعلق متابع آخر: «للأسف ردودك بعدت عن مستوى عضو مجلس إدارة بالنادي الأهلي.. نصيحة اقتدى بكابتن الخطيب فى هذا الشأن.. مفيش عضو مجلس إدارة زميل لك في المجلس الحالي بيرد على الجماهير بهذه الردود.. للعلم أنا عضو عامل في النادي وأول مرة أشوف عضو مجلس بالنادي بيرد على الجماهير كده.. طبيعي أن الجماهير زعلانة على خسارة الدوري حتى لو بفعل فاعل و دايمًا المجلس بيتحمل غضب الجماهير مش يرد بهذه الردود»، لترد علواني: «حضرتك تفضل اني ماردش علي صفحتي الخاصة؟؟؟».

جماهير الأهلي تهاجم رانيا علواني

البعض يدعم رانيا علواني

وحرص البعض على دعم رانيا علواني، وكتب عزت حسن، وهو أحد متابعين عضو مجلس الأهلي: «ألف مبروك يا دكتوره وربنا يسعد قلبك فعلا إنسانه راقيه متحضره بنت أصل متربيه صح متصالحة مع نفسك من جوه صافي ونقي ربي يستر عليكي.. زمالكوي يحترمك».

جماهير الأهلي تهاجم رانيا علواني

بينما قال مدحت راتب: «والله احنا بنحبك يادكتوره كجماهير الأهلي بس لينا عتاب على موضع بوست تهنئة المنافس بعد اللي حصل من لاعيبة المنافس»، وردت رانيا علواني: «معلش، اخلاق الرياضيين بس».

جماهير الأهلي تهاجم رانيا علواني