جوري بكر: زوجي بيناديني شيماء وقت المصيبة.. وقالولي محتاجة تجميل بسبب مناخيري المعووجة

ياسمين حمادة 29 ابريل 2023 | 04:05 مساءً

كشفت الفنانة جوري بكر كواليس جديدة عن مسلسل جعفر العمدة وتعاونها مع الفنان محمد رمضان بجانب أسرار من حياتها الشخصية.

تصريحات جوري بكر

قالت جوري بكر في تصريحات تلفزيونية لها: «اكتشفت إن محمد رمضان بيعيط بجد، ومشاهده حقيقية من كتر ما هي حقيقية إحنا كنا بنصدقه وبنعيط معاه في المشهد».

وفيما يخص سبب تغيير اسمها من شيماء إلى جوري، علقت قائلة: «جوري اسم عزيز على قلبي، وكانت ابنة لأصدقاء والدي أتوا من السعودية وولدت بيننا، وعجبني الاسم فاخترت جوري، وكان اسم للشهرة والحمد لله ربنا كرمني والاسم سمع في كل حتة، وزوجي أحيانًا يناديني شيماء ووقتها أعرف إن فيه مصيبة حصلت».

جوري بكر

أسرار جوري بكر

واستكملت: «أنا نقطة ضعفي الأكل وأكتر أكلات بحبها سي فود ومحشي كرنب، وأوافق على تقديم برنامج تليفزيوني إذا عرض عليّ، وأنا أكتر حاجة أحبها في شكلي هي شعري».

وعن عمليات التجميل التي خضعت لها قالت: «أنا عملت مرة واحدة فيلر في شفايفي ومن ساعتها ما عملتش حاجة، وناس كتير قالت لي إني محتاجة عملية تجميل في مناخيري لأنها معووجة وأنا شايفها تمام».

عمليات تجميل جوري بكر

وتابعت: «ضربت كام حقنة فيلر؟ هو مين مابيضربش فيلر؟ بس أنا عملتها مرة في حياتي ومن ساعتها معملتهاش تاني، هو الموضوع رباني يعني، أنا الحمد لله مبسوطة بالنعمة اللي ربنا ادهالي، أنا مش بعدل خلقة ربنا أو خلقتي.. فيه ناس بتقعد تحطلي صور قديمة من أيام ما كنت عيلة صغيرة، أكيد طبعا كان شكلي مختلف».

واستكملت جوري بكر قائلة: «نقول مثلا إن إحنا كلنا مكنش عندنا أي نوع من أنواع التواصل مع السوشيال ميديا ولا كنا بنعرف نلبس كويس ولا نحط ميكب آب ولا نحط فلاتر، فأنا كنت زمان عبيطة أوي في الحاجات دي لكن دلوقتي أنا حاباني بملامحي يعني».

جوري بكر وداد في جعفر العمدة

وعن نجاح شخصية وداد في جعفر العمدة، علقت قائلة: «حاسة إني لسه واخدة حقنة بنج، مش مصدقة النجاح الكبير اللي حققه الدور، وأنا دائمًا كنت أحب الخروج في السيدة زينب والحسين».

واختتمت: «وكان وشي مش معروف زي دلوقتي فكنت بشوف الناس اللي هناك عايشة ازاي وبيلبسوا ازاي وبيتكلموا ازاي وطريقتهم في الخناقات بس أنا في حياتي الطبيعية مكنتش أعرف أتكلم زي وداد، واتضايقت من بعض التعليقات، لأني شعرت أنهم بيشتموني أنا وليس وداد».

جوري بكر مسلسل جعفر العمدة