جوزها غلب الشيطان.. أسماء تنهار على الهواء بسبب ما فعله زوجها.. عاشت معاه في الحرام وأخد ضناها منها

بكلمات مؤثرة والدموع تنهمر من عيينها روت «أسماء»، ضحية زوحها، مأساتها التي عاشتها معه قائلة: «أنا اتبهدلت واتسحلت واضربت وطردني فى الشارع بهدوم البيت في نص الليل، وجالى انهيار عصبي وبقيت مريضة سكر وضغط».

وأضافت «أسماء»، أثناء لقاءها مع الإعلامية نهال طايل ببرنامج «تفاصيل» المذاع على قناة صدى البلد2، أنها «اكتشفت بعد 3 شهور زواج أن زوجها متجوز عليها ومعاه بنتين، بالرغم أن قسيمة الزواج وقت كان دون فيها غير أنه غير متزوج سابقا».

موضحة: «فضلت فى خلاف معاه يومين وكان بيجى ويمشى بلبس ويرجع بلبس تانى وبعدين اكتشفت انه متجوزنى على بنت عمه.. وعنده بنتين منها». وتابعت: «اتجوزنى عشان ماجبتش ولد قولت لوالده قالى من حقه يتجوز زى ماهو عاوز وطول ماهو معاه فلوس وأنا عايش يتجوز براحته انتى مجرد حبر على ورق بس لو مش عجبك امشى».

وأكملت «أسماء»: مشيت وروحت عند والدى سنة 2023 قضيتها كلها وأنا حامل ومسألش عليا خالص، وكنت تعبانة وجالى ضدمة عصبية لما عرفت أنه متجوز وضحط عليا. موضحة: "فضلت قاعدة عند ماما طول فترة الحمل خلفت ولد واتصلت عليه جه سجل ابنه ومشى من غير ما يكلمني، فطلبت منه الطلاق، وانفصلنا وادينى فلوس القايمة".

وتابعت أسماء حديثها، بعد ماطلقنى بـ4 شهور رجع تاني وقالى لازم نرجع لبعض عشان ابننا يتربي في حضننا، وقالى مش هكتب قايمة تاني، وافقت عشان خاطر ابنى وقعد مع عمامى ووعدهم أنه مش هضربني تاني».

واستطرت، قائلة: «بعد ما رجعنا بـ 5 أيام قالى هاتي عدى اببنا هجيبوله هدوم ورجع الساعة 2 بليل من غيره سألته عليه، قالى هو إنت عندك ابن انسى الكلام ده، خطف ابنى وبعت سلافيى ضربونى وخدوا الدهب بتاعي اللى كنت لابساها غصب عني، وحمايا ضربنى بالعصايا وطردوني برة البيت الساعة 3 الفجر".

واختمت حديثها: «خطف ابنى وحرمنى منه وهو مولود تعبان عنده ثقب فى القلب».