حاتم فهمي داعما ياسمين عز: أنا مش عارف الستات زعلانين منها ليه؟

أعرب المطرب حاتم فهمي، عن إعجابه بالدعم المتواصل الذي توجهه الإعلامية ياسمين عز للرجال من خلال نصائحها التي تقدمها في برنامجها المذاع على احدى القنوات الفضائية.

حاتم فهمي عن ياسمين عز: الست بتقول كلام زي الفل

وقال حاتم فهمي، في تصريحات تليفزيونية: أنا مش عارف الستات زعلانين منها ليه، الست بتقول كلام زي الفل، وبتدعمنا معنويا..عايز أقول كلمة من خلالك، الراجل عايز حاجتين بس، كلمة حلوة وطبطبة، حتى لو هتضحكي عليه.

وتابع حاتم فهمي: الراجل بيبقى جاي من بره متعكنن وقرفان، ومش عايز غير إن حد يقول له شكرا ويقدره، وبالعكس الراجل بيقول للست شكرا.

حاتم فهمي يجهز لألبوم جديد

يذكر أن حاتم فهمي يجهز لألبوم جديد ويواصل تسجيل أغانيه، ويطرحه بعد شهر رمضان، موضحا في تصريحاته التليفزيونية: الالبوم هينزل سينجلات، ومفيش تعاونات مع مطربين الراب، وفي حاجات لسه في دماغي، وأغاني الراب والمهرجانات أذواق، وويجز ليه أغاني كتير حلوة بحب أسمعه، وكل واحد ليه ذوق وطعم.

نصائح جديدة من ياسمين عز : لو قاعدة جنب جوزك متتنفسيش واستأذنيه قبل ما تروحي الحمام

عن كثرة الزلازل.. ياسمين عز: لازم ننام على طاعة ربنا

ياسمين عز تعلق على تغير العروسة قبل وبعد الإرتباط مع حماتها