حازم إيهاب: كان عندي أمل ابني يعيش وزوجتي غيرت شخصيتي

تحدث الفنان حازم إيهاب عن بدايته الفنية والأزمات التي مر بها ومنها فقدان نجله ووالدته، قائلًا: «كنت بقول لصحابي في الكويت إني أول ما أنزل مصر همثل وكان إيمان بداخلي».

بدايات حازم إيهاب الفنية

قال الفنان حازم إيهاب في تصريحات تلفزيونية له: «بعد ثانوية عامة طلبت من والدي أدخل معهد فنون مسرحية لكن أقنعني أدخل جامعة وبعدها التحق بالمعهد».

وتابع: «خدت الجامعة في 8 سنين بسبب حبي للمسرح والتمثيل وبدأت الشغل مع خالد جلال في ورش بالجامعة»، وتحدث عن الفقد في حياته قائلًا: «الفقد غير فيّ حاجات كتير وساعدني الاقي مشاعر جوايا وإجابات، واللي متاكد منه أن اللي بيحصل في حياتنا خير ولو دورنا على أحسن سيناريو في الحياة هيبقى هو ده رغم أن ده أصعب حاجة».

منة داغر زوجة حازم إيهاب

قصة مرض نجل حازم إيهاب

وقال عن قصة مرض نجل حازم إيهاب: «كنت عارف أن ابني تعبان من قبل الولادة لكن صممت إني أكمل لأني كنت مقتنع أن مهما إحنا عملنا هو مفيش اي دليل أن هو يفضل كده أو يخف واليقين أن كان في أمل وكان عندي مبدأ بقوله لمنة أنا مش عايز أدخل في صراع إني اسقطه وأقول لو كنت استنيت وربنا عمل معجزة وكان هيطاردني طول حياتي».

واستكمل: «وكان هيبقى صراع هيطاردني ومكنتش هلاقي رد على السؤال ده وفكرة إني أكمل المشوار لأخره عشان كنت مسلم إرداتي لربنا ومدخلش في قصة ماذا لو، ولو ربنا مقدرله حاجة هيشوفها.

زوجة حازم إيهاب

وقال عن زوجته: «منة هي أحسن حاجة في حياتي، وفكرة الزواج كانت صعبة بالنسبالي لكن منة هي اللي غيرتني فيه شخص بيجي حياتك يوريلك الحياة من وجهة نظر مختلفة ويحببك في الجواز».

واختتم: «والسر أنا بتجوز عيلة مش واحدة وهي أهلها كويسين جدًا ومامتها ماجدة داغر علمتني حاجات كتير في حياتي، وكانت مبسوطة إن بخلي بنتها مبسوطة».

معلومات عن زوجة حازم إيهاب

معلومات عن زوجة حازم إيهاب

5 معلومات عن زوجة حازم إيهاب.. ما هو مرض Erbs palsy الذي أصيبت به بين 1000 طفل؟

ما هو مرض منة داغر زوجة حازم إيهاب ؟.. الإيد الشمال مش زي اليمين

نجلاء بدرعن وفاة نجل حازم إيهاب: «أرفض تداول صورة كفن الطفل»

حازم إيهاب يعلن إلغاء عزاء نجله يونس : «سيقتصر على المكالمات الهاتفية»

انهيار حازم إيهاب خلال تشييع جثمان نجله الرضيع إلى مثواه الأخير