حبس المتهمة بضرب حماتها في الشرقية 4 أيام

قررت نيابة ديرب نجم في محافظة الشرقية، حبس المتهمة بالضرب المبرح على حماتها داخل منزلهما، لمدة 4 أيام عليى ذمة التحقيق.

وكانت أدلت المتهمة بأقوالها أمام جهات التحقيق، قائلة: "أنا مريضة نفسيًا بقالي فترة ولما ضربتها مكنتش أقصد أعمل كده وندمانة على اللي عملته"، مضيفة: "سبب المشكلة، إني كنت بسأل حماتي بقولها هي فين الفلوس اللي جوزي بيبعتها، قالتلي أنا معرفش حاجة، عايزة تعرفي روحي اسأليه".

وكان تداول مستخدمو موقع التواصل الاجتماعي 'فيس بوك' على نطاق واسع مقطع فيديو يظهر فيه سيدتان إحداهما شابة تتعدي بالضرب على حماتها العجوز داخل منزلهما، ما أثار غضب واستنكار المتابعين وتعاطفهم مع حماتها.

ونشر نجل السيدة العجوز المعتدى عليها من زوجته منشورًا على موقع التواصل الاجتماعي والذي يعمل خارج مصر، غاضبًا من تصرف زوجته قائلًا: 'أمي.. حقك عليا يا نور عيني لو إني موجود مكنش حصل اللي حصل ملعون أبو الغربة للأسف دي مراتي اللي بتضرب أمي اللي هي في مقام أمها دا المفروض يعني كانت علطول أمي تقولي معلش يا علي وآدي أخرتها مراتي اسمها نداء حمدي أحمد محمد أبو زيد وأمها اللي كانت ظاهرة في الفديو اسمها راندا محمد العراقي حبيت أنزل الفديو علشان ماشيين يقولوا في البلد إن أمي هي اللي ضربتها الأول وهما مش ضربوها بس الحمد لله نسيوا إن في كاميرات أنا قسما بالله بمر بظروف ما يعلمها إلا الله وحق أمي هاخده نازل مصر إن شاء الله قريب وحسبي الله ونعم الوكيل'.