حجاج عبد العظيم يتعرض للسرقة: نفسي أشوفه وأقوله جبت الجرأة دي منين

كشف الفنان حجاج عبد العظيم تفاصيل وكواليس واقعة السرقة التي تعرض لها في نهار رمضان، قائلًا: «الكافيه بتاعي اتسرق في نهار رمضان الساعة 7 الصبح».

سرقة حجاج عبد العظيم

قال الفنان حجاج عبد العظيم في تصريحات تلفزيونية له: «والشاشات كلها اتشالت واللاب توب، ولما شفنا الحرامي في الكاميرا كما لو كان بيطلع لي لسانه، وبينقل الحاجات زي ما يكون بينقل عفش بنت خالته».

وأضاف الفنان حجاج عبد العظيم: «ويروح يودي في العربية ويرجع، ولحد النهارده نفسي أشوفه وأقول له جبت الجرأة دي منين».

تصريحات حجاج عبد العظيم

وتحدثت أيضًا عن حبه للطبخ ومهارته، قائلًا: «من صغري كنت بشوف والدتي تطبخ إزاي واتعلمت منها حاجات كتير، ولما قعدت لوحدي وأنا بدرس في بورسعيد بدأت أطبخ لنفسي، ولما أتجوزت نقلت ده لزوجتي».

وكشف الفنان حجاج عبد العظيم وصفة لأكلة السمك، قائلًا: «بتنضفي السمكة وتاخدي الكمون والليمون وتحطيها على الخياشيم بتاعتها، وبتحطيها في الدقيق وبعدها تقليه في السمك، وبتجيبي توم وزيت وتحمريهم وتضفي عليهم خل وبعدها تطشيهم على السمك بيتشبع ويبقى صوته دافي».

حجاج عبد العظيم وياسمين عز

عاتب الفنان حجاج عبد العظيم، الإعلامية ياسمين عز، وقال لها: «أنا مكنتش جاي وزعلان جدًا منك، لأنك الحلقة اللي فاتت ناشدتي بإنشاء حلويات على اسم الرجل، وقلتي صوابع محمد وطاجن أبو أحمد، فين صلعة حجاج، دي حتى تبقى مساحة كويسة للشمع».

واستكمل كلامه: «مراتي وأنا نازل قالت لي اتفضل الشراب يا منقرع، قلت لها إيه! قالت أه ما أنت فرعون بقى مش في خفرع ومنقرع»، لترد الإعلامية ياسمين عز قائلة: «دا من الفراعنة.. مراتك دي حبيبتي».

حجاج عبد العظيم حجاج عبد العظيم

حجاج عبد العظيم حجاج عبد العظيم

حجاج عبد العظيم يحتفل بزواج ابنته دنيا بدموع الفرح

حجاج عبد العظيم يتصدر تريند «جوجل» بعد وفاة شقيقته

كم عمر ياسمين عبد العزيز الحقيقي ؟.. هكذا احتفل بها أحمد العوضي

ياسمين عز ترد على تصريحات إلهام شاهين: كل واحد يتكلم في اللي يخصه