حرب كلامية بين حمو بيكا و تامر عبد المنعم

اشتعلت الحرب بين مؤدي المهرجانات الشعبية حمو بيكا والفنان تامر عبد المنعم، بعدما تم منع حمو من الغناء وعدم حصوله على تصاريح الغناء، ومن جانبه علق مطرب المهرجانات حمو بيكا على الأخبار المنتشرة بشأن حصوله على الدكتوراة الفخرية من السعودية .

انتقد الفنان تامر عبد المنعم مؤدي المهرجانات الشعبية محمو بيكا، وكتب عبد المنعم عبر حسابه الشخصي «فيس بوك»، «السؤال للدكتور حمو بيكا ولا ما حموهوش:

وكان ايه علاقة الحج نجيب ساويرس اما دافع عنكم ؟! ثم انا ما هاجمتكش اساسا كل الموضوع اني استضفت النجم الكبير هاني شاكر في صالون ثقافي حول اشكالية حرية الابداع والمنع».

وأضاف، «بالمناسبة قال حمو يذاكر كويس ويدخل الامتحان وربنا معاه يعني ما منعكش، اما بالنسبة لوطنيتك اللي اقحمتها في الموضوع احب اقولك انا لم اشكك فيها وبالمناسبة وجودك انت وفرقتك في احتفالات اكتوبر مش دليل عليها عشان تستند عليه ».

وتابع، «نسيت اقولك شوف حد بيعرف يقرا عشان يقرالك».

رد مغني المهرجانات حمو بيكا، على الفنان تامر عبدالمنعم، عبر حسابه الرسمي بموقع فيس بوك، بعدما طالبه الأخير بالبحث عن شخص «يقرأ له».

وكتب بيكا: «رداً على كلام المدعو تامر عبدالمنعم، الحمد لله أنا مش مستني حد زيك يقولي اقرأ أو مقراش .. أنا معايا إخواتي هما عيني وضهري، أنا بقى اللي بقولك شوفلك حد ينضف قلبك من الغل والصفار والتنمر اللي فيه يمكن ربنا يكرمك وتلاقي اللي يديك دور تمثله ولا حاجة».

وأضاف، «حسبي الله ونعم الوكيل في كل شخص معاه سلطة وبيتحكم في خلق الله احنا معانا ربنا مش سلطة وقرارت وحقي هاخده».

وكان حمو بيكا قد هاجم الفنان تامر عبدالمنعم والفنان هاني شاكر بعد ندوة أقيمت في قصر السينما، تحدث فيها النقيب عن مطربي المهرجانات وعن القرارات التي اتخذتها النقابة الفترة الماضية.

تامر عبد المنعم لـ حمو بيكا: «وجودك في احتفالات أكتوبر مش دليل عشان تستند عليه»

حمو بيكا يرد على تامر عبد المنعم: «شوفلك حد ينضف قلبك من الغل يمكن تلاقي دور تمثله»