حسام حبيب :«أمي اللي ربتني.. وهجيب حق شيرين بالقانون»

ضحى عرفة 29 يونية 2021 | 10:37 صباحاً

نشر المطرب حسام حبيب فيديو، يوضح من خلاله طبيعة العلاقة بشأن انفصاله عن شيرين عبد الوهاب خلال الفترة الأخيرة، عبر حسابه الشخصي على موقع الصور والفيديوهات «إنستجرام».

وقال حسام حبيب خلال الفيديو، «أنا عمري ما عملت فيديو ولا اهتميت إني أرد على أي حاجة اتقالت في يوم عليا، اللي حصل للأسف إن أقرب الناس لينا هما اللي زاقين ناس على ناس برضه قريبين مننا عشان مش عايشين حوالينا، الناس دي كلها كان ليها مصالح إن شيرين تكون منتهكة ومش فاهمة حقوقها ولما جه بني آدم فهم شيرين حقوقها وبقت شيرين هي المسؤولة».

وأكد على أن شيرين لديها شركة تدير أعمالها قائلاً، «شيرين عندها شركة بتدير أعمالها وانا مليش دعوة بيها والناس كلها في السوق عارفين الكلام ده ناس بروفيشنال شغالين مع شيرين ومبياخدوش أوامر أو إرشادات من حد، شيرين أقدم مني وأنجح مني، ولما بتقولوا كدة بتقللوا من شيرين عبدالوهاب وأنا اتجوزتها وهي شيرين عبدالوهاب أنجح واحدة في الوطن العربي وناجحة ومش محتاجة حد يقولها تعمل إيه ومتعملش ايه».

وتابع، «ولو هي حد قالها تعمل إيه يبقى ضيعت تعب السنين هباء، وأعتقد إن شيرين أكبر من كده، أما بالنسبة لأقرب الناس لينا أنا عارف إن عشان شيرين بقت الحمد لله أدرى بأمورها وقادرة تسيطر عليها أكتر وده مموتهم لأنهم مش عارفين يعملوا حاجة أكتر من كدة لأن الحنفية اتقفلت بالبلدي يعني وهم هيفضلوا يعملوا الحاجات دي».

عن تسريب تسجيل صوتي لوالده قال،«أنا مش همشي ورا حتة بينكر ولا مبينكرش وصوته ولا مش صوته، أنا ميخصنيش الكلام ده، أنا عندي مشكلة في الثقة في الناس اللي حواليا والشخص ده مش أول مرة يأذيني وأنا آسف إني بقول الشخص ده، أنا مش عايز حد يزعل مني على إني بقول الشخص ده لأني صعب جدا إني صعب أقول الاسم العادي بعد اللي قاله واللي بيعمله أيا كان حد جرجره أو حد سجل له، أنا عندي تسجيل إن صاحبة الموقع زقت عليه 6 شهور».

وتابع، «أمي والراجل اللي خلفني منفصلين من 30 سنة وهي اللي ربتني وعلمتني وكانت دايما تقولي اسأل عليه ووده مهما أذاك، ومهما عمل، وأنا كنت بعمل كدة لحد آخر لحظة، أنا سألت دينًا وشرعًا لما الأذي يوصل كدة لا كدة كفاية، بعد كدا مش هيفرق عندي صلة القرابة إيه لكن هيفرق عندي إنه بيفتري وبيتكلم في الأعراض وجاب سيرة أمي».

حسام حبيب لـ شيرين عبد الوهاب: «اتجوزتها وهي أنجح واحدة في الوطن العربي»

حسام حبيب عن والده: « مش أول مرة يأذيني ..وبيفتري ويتكلم في الأعراض»

http://