حسام حبيب في أزمة بعد حذف أغنية كدابة.. تفاصيل

يتعرض الفنان حسام حبيب لأزمة بسبب أغنية كدابة، التي يعود بها بعد سنوات غياب.

حذف موقع اليوتيوب أغنية كدابة للمطرب حسام حبيب، بعد أيام قليلة من طرحها، على خلفية اتهامات سرقة لحنها المطرب محمود عز.

حذف أغنية كدابة

أغنية كدابة من كلمات عمرو المصري، وألحان إسلام رفعت، والتوزيع الموسيقي لـ أمين نبيل.

وكان قد تسبب الفنان حسام حبيب في ضجة واسعة وجدلًا كبيرًا بعد أن طرح أغنية كدابة، بعد غياب فترة طويلة عن الساحة الغنائية، حيث واجه عدة تساؤلات بشأن علاقة الأغنية بطليقته الفنانة شيرين عبد الوهاب، وبجانب ذلك يواجه اتهامات بالسرقة.

حسام حبيب أغنية كدابة

تعرضت أغنية كدابة للفنان حسام حبيب لاتهامات بسرقة اللحن من أغنية مطرب صاعد يدعى محمود عز، ومن جانبه، خرج الملحن والموزع إسلام رفعت عن صمته وكشف حقيقة الأمر.

نشر إسلام رفعت ملحن الأغنية، فيديوهات يثبت بها أنه صاحب اللحن الأصلي، موضحًا أنه تم سرقة موسيقاه، من خلال منشور عبر حسابه الرسمي بموقع فيس بوك، كتب به: «أنا مكنتش هرد.. بس مضطر أرد لأن اللي بيحصل ده قلة أدب وتطاول».

وتابع ملحن أغنية كدابة لـ حسام حبيب: «لسه جايلي تليفون دلوقتي من صديق ليا بيقول إني في حد كاتب بوست إني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه أنه مغني، وأنا ملحن وموزع يعني واضح مين اللي بيسمع من التاني».

واستكمل: «أولا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرته ويمكن تصيب معاه».

وأضاف الملحن إسلام رفعت: «بس أنا هخليها تصيب معاه إنه يتشهر بأنه غير أمين ومعندوش ضمير نهائي.. كل الناس عارفيني كويس وعارفين شخصيتي إني عمري ما أعمل حاجة 'بالخسة دي' أو بالسذاجة دي!!.. إني أخد حاجة إبداعية في أكتر حاجه بحبها و هي الموسيقي من حد أو اقتبس جملة من هنا أو من هنا والحمدلله أعمالي كلها بتتكلم عني».

وكتب ملحن أغنية كدابة لحسام حبيب أيضًا: «الأغنية دي الشاعر عمرو المصري بعتلي كلامها من شهر مايو 2023 اللي فات تقريبا وأنا لحنت الكلام وعملت شكل ليها وبعتناها لأكتر من مطرب من ضمنهم حسام وبالفعل كانت من نصيبه والأغنية جاهزة من فترة كبيرة جدا و لكن حسام اللي كان بيأخر.. و مرفق في البوست فيديو أنا مصورة بإيدي من الكمبيوتر بتاعي متوثق فية تاريخ الأغنية وصوتي في الديمو».

واختتم: «الموزع شفيق كاتب إن أغنيتهم نازلة يوم 18/1 وحسام حبيب منزل خبر أغنية كدابة من يوم 8/1 تقريبًا.. فاللي هو إزاي يعني!! وأي حد يقدر يعمل سيرش علي جوجل ويتأكد من صحة كلامي.. آخر حاجة عايز أقولها إني معايا كل ما يثبت إن اللحن بتاعي من مستندات وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء و حاول ينط وعايز يتشهر».

حسام حبيب أغنية كدابة

حسام حبيب