حسام حبيب: والدي رفض ينتج لي ألبوم وجالي انهيار

تحدث الفنان حسام حبيب عن علاقته بوالده، وكيف ساعده ودعمّه في بداية مشواره الفنّي؟.

وأشار حسام حبيب في تصريحات تليفزيونية، قائلاً: «لما قولت لبابا أنا عايز أغني .. قالي أنت أخنف، ولكن كان بهزار والدي دمه خفيف جدًا، لما لقاني بكبر ولسة متمسك بالمزيكا، عايز ييقولي مزيكا ايه ؟، بعدها سمعني وسألني الألبوم هيكلف كام؟ قولتله X، قالي خلاص أنا هنتج لك الألبوم».

وأضاف حسام حبيب، في ذلك الوقت كان أصدقائي كريم أبو زيد والملجن الراحل أشرف أبو زيد، والكاتب الكبير أحمد أبو زيد، قائلاً: «كان نفسنا نعمل باند، وروحت لصحابي قولتلهم خلاص هنعمل الألبوم وبابا جاي يسمعنا وهو هيدفع لنا كل حاجة، وبعد ما جه وسمع، قالي على فكرة: أنا مش هنتجلك حاجة.. جالي انهيار وقولتله انت ليه بتعمل فيا كده بعدما وعدتني».

أوضح حسام حبيب أن فعله معه والده وقتها هو الأصح؛ لأنه أراد أن اعتمد على نفسي في بداية مشوري الغنائي، قائلاً: «أنا كنت فاكرك ولد صغير ونفسه يعمل حاجة فكنت هعملهاله، لكن لما سمعتك ولاقيتك موهوب بجد، وعارف لو انتجت لك ألبوم الناس هتقول عنك ايه؟، الوالد اللي ابوه انتج له.. روح ابدأ حياتك لوحدك».