حسام حبيب يعتذر بسبب خطأ في أولى أغاني ألبومه الجديد.. ماذا حدث؟

وجه الفنان حسام حبيب اعتذارًا للجمهور، بسبب خطأ تقني صاحب أولى أغاني ألبومه الجديد، كما تحدث عن التحديات التي واجهته.

ونشر حسام حبيب مقطع فيديو عبر حسابه الرسمي بموقع فيس بوك، قال فيه: «أنا أول حاجة بشكر كل الناس اللي اشتغلت على الأغنية، وأنا بعمل فيديو مخصوص عشان أقول لهم إنه الغلطة اللي حصلت هي غلطة تقنية ملهاش أي علاقة لا بهندسة صوت ولا بروتانا، هقولكم الحقيقة الغلطة جت منين».

خطأ في أولى أغاني ألبوم حسام حبيب

وتابع: «أنا بعترف كلهم كانوا تعبانين وأنا كنت تاعبهم معايا جدًا، بس أنا كقائد قُلتلهم تخشوا تناموا وأنا المسؤول.. الغلطة مني أنا يعني، لما نمت صحيت لقيت لمة على التلفزيون كبيرة، بقولهم في إيه يا جماعة؟ في حاجة مشكلة حصلت؟

قالوا لي لا مفيش حاجة، قالولي مبروك، قُلتلهم مبروك إيه؟ قالوا لي الأغنية نزلت تاني، طب وإيه المشكلة؟ ليه عاملين على التلفزيون كده كلكم؟ إيه المشكلة يا جماعة؟ في حاجة ولا إيه؟ لا مفيش حاجة، طب التعليقات إيه؟ لا أنا جميلة الحمدلله يعني كله بيشتم».

واستكمل حسام حبيب: «قلتلهم لا أنا مليش دعوة بمهندس الصوت، أنا مالي انتوا اللي عليكم الصوت، أنا بغني بس، هي مشكلة تقنية عادي جدًا، مفيش حاجة خالص، بتحصل عادي جدًا، ممكن عايز أقولك لو الكهربا زادت، لو الانترنت قطع، فلو حصل غلطة صغيرة جدًا ممكن كل اللي أنتوا سمعتوه ده يحصل عادي».

تصريحات حسام حبيب

واختتم: «إحنا اتأخرنا إن إحنا نطلع النسخة التانية، وبشكر كل الناس اللي دخلت علقت سواء إيجابي سلبي، كل واحد أنا بستفيد منه، الإيجابي بيفرحني، السلبي بيزعلني، وعارف يعني آخد بالي من أخطائي، وده أكيد كلنا بنغلط يعني».