حسام حبيب يعلق على تصريحات رامز جلال عنه: اللي يزعل من الهزار يبقى بيصغر مخه

رد الفنان حسام حبيب على الجدل الذي أثير بعد ظهوره في في برنامج المقالب للفنان رامز جلال، خاصة بعد المقدمة التي قدمه بها رامز وإجباره على الاعتذار للفنانة شيرين عبد الوهاب.

وأكد حسام حبيب، في تصريحات تلفزيونية، أن رامز جلال كان يمزح ولم يكن يقصد أي شيء بشكل جاد، قائلاً: "رامز أكيد بيهزر لأنه عارف إن الكلام اللي بيقوله مش حقيقي، وأنا عارف إنه شخص محترم، ولو في حاجة حقيقية مش هيهزر فيها، بس هزاره تقيل شوية".

وأضاف: "مكنتش عارف هو هيقول إيه في المقدمة، بس في النهاية كله هزار، واللي يزعل من الهزار يبقى بيصغر مخه، ومفيش حاجة تقدر تزعلني أو تهزني".

كما وجه حسام رسالة للجمهور الذي هاجمه بعد الحلقة، مؤكدًا أنه لا يهتم بالانتقادات لكنه يشعر بالحزن على من يصدق كل ما يسمعه دون التحقق من صحته، قائلاً: "لو أنا زعلان، فأنا زعلان عليكم مش منكم، الموضوع بسيط جدًا وربنا أمرنا إننا نتحقق من أي كلام قبل ما نحكم أو نهاجم حد، لأن ده في النهاية ذنب".

وأضاف: "أنا مش خايف غير على الناس اللي بتحكم بدون ما تعرف الحقيقة، لأن الحساب في الآخر عند ربنا، ولو أنا غلطان حسابي عنده، ولو مش غلطان فده موقف صعب لأي حد يتعرض له".

واختتم حسام حديثه بتوجيه الشكر لمن دعموه، لكنه أكد أنه لا يرد على أي انتقادات، قائلاً: "مقدر حبكم، لكن أنا عمري ما دافعت عن نفسي، بقالي سنين بيتقال عني كلام كتير وعمري ما هنزل في المعركة دي، لأني واثق في أفعالي وتربيتي".