حسام حسن : منتخب مصر لا يستهان به

أظهر حسام حسن، المدير الفني لمنتخب مصر الأول للكرة، سعادة كبيرة بتأهل الفراعنة لربع نهائي كاس أفريقيا على حساب بنين.

وقال حسام حسن عقب لقاء بنين :" منتخب مصر لا يستهان بيه وعلى مر التاريخ هيفضل قوي بكل أبنائه".

وتابع :" واجب على الكبير إنه يكون متواجد في الوقت المناسب ، وفي كأس الأمم دا الوقت المناسب إني أعبر عن تاريخي وإمكانياتي".

وواصل:" أنا زعلان النهاردة لـ خسارة محمد حمدي وتريزيجية ، حمدي رباط صليبي وتريزيجية تمزق في أربطة الأنكل ، أنا بهدى الفوز لـ محمد حمدي عشان هو من اللاعيبة اللي كان شايل حمل كبير معانا من البداية ، والنهاردة زمايله كانوا زعلانين وإن شاء الله اللاعيبة الموجودة تعوض غيابه".

وشدد : "عشان أوصل الروح للاعبين لازم يكون عندي الموهبة في ده، زي المدرس في الجامعة أو خطيب الجمعة؛ ممكن واحد يخطب وما يقدرش يوصل المعلومة. لازم يكون عندك الحسّ عشان توصل الرسالة. ممكن يكون مدرب كبير لكنه ما عندوش تواصل كويس مع اللاعبين.".

وزاد :" ربنا أعطاني أنا وإبراهيم شيء مهم، وهو إني خضت كل التجارب اللي حصلت في الكرة، وختمت حياتي بكأس أمم، واتعاملت مع مدربين عظماء كتير واكتسبت كل الخبرات في الدنيا. كل ده لازم أستغله هنا وأنا بدرب منتخب مصر.".

واستمر:" مش عيب لما أقول أنا منتخب مصر، دي حقيقة. لما أعتز بقوة المنتخب ولاعبيه ده أمر طبيعي، وهي رسالة معنوية بتفكرهم إنهم مش صغار ومش قليلين.. واجب على المنتخب الكبير يكون موجود في الوقت المناسب، وفي بطولة كأس أمم إفريقيا ده الوقت المناسب إنك تعبّر عن تاريخك وإمكانياتك.".

واختتم: أتقدم بالشكر للجماهير المغربية والمصرية التي تواجدت في مباراة بنين .. أؤكد أن ما تم تداوله من فيديوهات أُسيء فهمه، فجماهير المغرب، وتحديدًا في مدينة أكادير، كانت ولا تزال داعمة ومساندة لمنتخب مصر، ولا يمكن بأي حال من الأحوال أن أهاجمها أو أنتقدها.