حسني شتا يطمئن جمهورعلى كلبه بعد سقوطه من البلكونة: «مستغرب من الناس اللي بتتمناله الموت»

نشر الفنان حسني شتا صورة جديدة مع كلبه بعد سقوطه من البلكونة، وذلك عبر حسابه الشخصي على موقع تبادل الصور والفيديوهات «إنستجرام».

و كتب حسني شتا، «الحمدلله الكلب بتاعي عمل عمليه وهيكون بخير .. شكرا لكل القلوب الرحيمة، ومستغرب من بعض التعليقات اللي وصلت أنها بتتمناله الموت ..!! في حين أنا بتمنالهم قلوبهم يكون فيها رحمة» .

وأضاف، «الحيوان روح خلقها ربنا وهو مسئول مني والناس اللي بتقعد تقول ما انت شوف الانسان المحتاج واللي واللي .. هو حضرتك عارف انا بعمل ايه !!! الحمدلله انا متربي ان قلبي يكون فيه خير تجاه الارواح اللي خلقها ربنا».

وتابع، « حبيت اطمن كل الناس اللي بعتتلي واللي كان رد فعلهم كله انسانية ..شكرا ليكم مره تانيه تسلموا يااخواتي».

حسني شتا يطلب الدعاء لـ كلبه

يذكر أن طلب حسنى شتا من جمهوره الدعاء لكلبة معلقا : «الكلب بتاعي وقع من البلكونة في إسكندرية، وأنا دلوقتي في مدينة الإنتاج الإعلامي في القاهرة باصور.. وهيروح المستشفى لأنه مصاب إصابات خطيرة.. ممكن تتمنوله الشفاء لأني تايه وقلبي وجعني ومتوتر جدا ومش عارف أعمل إيه».

حسني شتا يعلن سقوط كلبه من البلكونة: «مُصاب إصابات خطيرة»

هاشتاج #شكرا_يا_ريس يتصدر تريند تويتر.. فيديو