حسن الرداد قبل عرض مسلسل محارب: نعيد تقديم شخصية المواطن البسيط بعيدا عن «الشبحنة»

تحدث الفنان حسن الرداد عن شخصيته في مسلسل محارب، الذي يشارك به ضمن موسم مسلسلات رمضان 2024، حيث يقدم شخصية عزيز محارب.

قال حسن الرداد عن مسلسل محارب عبر تصريحات تلفزيونية له: «لسه بنصور وهنكمل تصوير في رمضان خلصنا 90% من العمل وهناخد أسبوع من رمضان علشان نكمل الباقي».

حسن الرداد مسلسل محارب

وتابع: «عزيز محارب شخصية المواطن البسيط اللي عاوزين نرجعها مش كل الشخصيات تبقى شبحنة مش كله لازم يكسر ويضرب وبدراعه.. أنا اتربيت على مسلسلات من صغري تقدم المواطن البسيط سواء مدرس أو دكتور أو أي حرفة أو عامل في مصنع ويكون شخص عادي بنقابله في الشارع في القاهرة أو دمياط في بلدي ودي النماذج اللي بحب أتكلم عنها وأشوف رحلة كفاحها واتأثر بيها وأتكلم عنها».

واستكمل الفنان حسن الرداد حديثه: «في الفترة الأخيرة بقيت بشوف فكرة تقديم المواطن البسيط وكأنه عم الشبحنة في العالم وهو الطبيعي والسائد أجيب فئة أو شخصيات من دماغ البني أدمين وأحطه مكان شريحة أخرى من المجتمع وهذا غير حقيقي».

مسلسل محارب

تصريحات حسن الرداد

وأكد أن شخصية عزيز محارب أبرز ما حمسه للمشاركة في العمل، معلقا: «شخص محترم وبسيط نراه في الشارع شخص متفوق في الثانوية العامة ورغم أن مجموعه كان يلحقه بكلية طب لكن لم يدخلها بسبب التزامه بالعمل من صغره كونه من منطقة شعبية».

وقال حسن الرداد أيضًا: «الأعمال الجادة اللي عملتها أكتر من الكوميدي ونجحت في الكوميدي والجاد وأنا الوحيد اللي في السينما اللي غيرت المفهوم لأن العادي يبقى اللي بيعمل كوميدي يفضل يعمله والأكشن يفضل زي ما هو لكن أنا نوعت لأنهم بيخافوا من التغيير لكن أنا عملت الكوميدي وعملت توأم روحي رومانسي و الفيلم المصري الوحيد اللي جاب إيرادات كبيرة في الوطن العربي كان تحت تهديد السلاح».

واختتم: «بحب التنوع وأعمل مخاطرة حتى لو قلقت من عدم النجاح لكن المهم أكون ممثل متنوع وكل واحد هيشوف شخصيته في مسلسل محارب لأن كلها شخصيات حقيقية».

مسلسل محارب

حسن الرداد مسلسل محارب