حسن الرداد: ياريتني اتجوزت من زمان وإيمي غيورة جدا

كشف الفنان حسن الرداد رأيه في الزواج، وكواليس حياته الزوجية مع الفنانة إيمي سمير غانم.

قال حسن الرداد عبر تصريحات تلفزيونية: «أنا بنصح كل الناس تتجوز بدري، هو فيه تعب شوية بس الجواز بدري حلو، وبقول دايمًا ياريتني اتجوزت من زمان».

تصريحات حسن الرداد

واستكمل: «لو إيمي قالتلي متشتغلش مع ممثلة معينة، هسمع كلامها ومش هشتغل، بس هي مش بتقولي كده، لكنها غيورة جدًا عليّ، وأنا ببقى غبي لما بغير على إيمي».

وفي وقت سابق، كان قد كشف الفنان حسن الرداد سبب غياب زوجته الفنانة إيمي سمير غانم، عن الدراما الفترة الماضية.

سبب غياب إيمي سمير غانم عن الدراما

قال حسن الرداد عبر تصريحات تلفزيونية: «أنا بقول لـ إيمي إنتي سمير غانم وهو صغير، لازم تعملي لنا أفلام ومسلسلات كوميدية لأن عندها موهبة كبيرة».

وتابع: «وحرام تبقى عندها طاقة كوميدية ومكسلة إنها تشتغل، وكان في ظروف مرت بها العيلة خلتها مش عايزة تشتغل وقعدت أضغط عليها وأحمسها ترجع تشتغل».

واختتم حسن الرداد حديثه عن عودة زوجته إيمي سمير غانم، قائلًا: «والمنتجين السنين اللي فاتت كانوا بيكلموها ويبعتولها أفلام ومسلسلات، إن شاء الله ترجع بقوة في مسلسل عقبال عندكوا في رمضان 2025».

تضم قائمة أبطال مسلسل عقبال عندكوا كلًا من حسن الرداد، محمد ثروت، إيمي سمير غانم، سليمان عيد، علاء مرسي، وآخرين، والعمل من إخراج علاء إسماعيل.

مسلسل محارب